“കൂട്ടു കൂടാൻ കൊതിക്കുകയും, എന്നാൽ കൂട്ടുകളിൽ നിന്ന് അകന്നകന്നുപോവുകയും ചെയ്യുന്ന ഒരു വിചിത്രജീവിതമാണ് മനുഷ്യരുടേത്. ഇനിയൊരിക്കലും തിരികെ വരാനാവാത്ത ദൂരങ്ങളിലേക്ക് കൂടെയൊഴുകുന്നവരെ തള്ളിയകറ്റുന്നു; പിന്നെയവർ തിരികെ തുഴയുന്നതും നോക്കി കാത്തിരിപ്പിന്റെ പടവുകളിൽ അനന്തകാലം വ്രതമിരിക്കുന്നു. ഒറ്റയ്ക്കിരിക്കുമ്പോൾ കൂട്ടത്തിൽ ചേരാനും കൂട്ടർക്കൊപ്പമായിരിക്കുമ്പോൾ ഒറ്റയാവാനും അറിഞ്ഞോ അറിയാതെയോ ശ്രമിക്കുന്ന പാവം ജീവികൾ.”