“ការសេពគប់ ៖ ពាក្យបុរាណពោលថា "គប់បណ្ឌិត កុំគប់ពាល" ក្នុងជីវិតពិត បុគ្គលដែលយើងសេពគប់ រាប់ទាំងអ្នកក្រៅនិងអ្នកដែលយើងជួបមុខរាល់ថ្ងៃ សុទ្ធតែមានពីរប្រភេទ។ ប្រភេទទី១ ជាអ្នកជួយបង្កើតរឿងល្អៗដល់យើង ជួយឲ្យយើងចម្រើនទាំងប្រាជ្ញាស្មារតី ប្រភេទទី២ ជាអ្នកដែលព្យាយាមកាត់បន្ថយថាមពលពីខ្លួនអ្នកគ្រប់ពេលវេលា កាត់បន្ថយកម្លាំងចិត្ត សតិអារម្មណ៍ ឬអូសទាញអ្នកឲ្យដើរថយក្រោយ ឬចាំបំផ្លិចបំផ្លាញអ្នក។ វាអាចជារឿងអាត្មានិយមបន្តិចដែលថា ជោគជ័យឬបរាជ័យរបស់បុគ្គលម្នាក់ៗបើពិនិត្យរកមើលដើមហេតុមើលទៅ យើងនឹងរកឃើញថា វារីកចម្រើនទៅមុខឬថយក្រោយ ព្រោះតែបុគ្គលសំខាន់ៗដែលគេសេពគប់នោះឯង។”