“निश्चयाचा महामेरू| बहुत जनांस अाधारू| अखंड स्थितीचा निर्धारू| श्रीमंत योगी||१|| परोपकाराचिया राशी| उदंड घडती जयाशीं| जयाचे गुणमहत्त्वाशीं| तुळणा कैशी||२|| नरपति हयपति| गजपति गडपति| पुरंधर अाणि शक्ती| पृष्ठभागीं||३|| यशवंत कीर्तिवंत| सामर्थ्यवंत वरदवंत| पुण्यवंत अाणि जयवंत| जाणता राजा||४|| अाचारशील विचारशील| दानशील धर्मशील| सर्वज्ञपणें सुशील| सर्वां ठायीं||५|| धीर उदार सुंदर| शूरक्रीयेसी तत्पर| सावधपणेंसी नृपवर| तुच्छ केले||६|| तीर्थक्षेत्रें तीं मोडिलीं| ब्राह्मणस्थानें बिघडलीं| सकळ पृथ्वी अांदोळली| धर्म गेला||७|| देवधर्म गोब्राह्मण| करावयासि रक्षण| हृदयस्थ झाला नारायण| प्रेरणा केली||८|| उदंड पंडित पुराणिक| कवीश्वर याज्ञिक वैदिक| धूर्त तार्किक सभानायक| तुमचे ठायीं||९|| या भूमंडळाचे ठायीं| धर्म रक्षी एेसा नाहीं| महाराष्ट्रधर्म राहिला कांहीं| तुम्हां करितां||१०|| अाणखी कांहीं धर्म चालती| श्रीमंत होऊनि कित्येक असती| धन्य धन्य तुमची कीर्ति| विस्तारली||११|| कित्येत दुष्ट संहारिले| कित्येकांस धाक सुटले| कित्येकांसी अाश्रय झाले| शिवकल्याण राजा||१२|| तुमचे देशीं वास्तव्य केलें| परंतू वर्तमान नाहीं घेतलें| ॠणानुबंधें विस्मरण जाहलें| बा काय नेणूं||१३||’ ‘थांबा, मोरोपंत! तो श्लोक परत वाचा.’ राजे मध्येच म्हणाले. मोरोपंत वाचू लागले : ‘तुमचे देशीं वास्तव्य केलें| परंतू वर्तमान नाही घेतलें| ॠणानुबंधें विस्मरण जाहलें| बा काय नेणूं||१३|| सर्वज्ञ मंडळी धर्ममूर्ति| सांगणें काय तुम्हां प्रती|| धर्मस्थापनेची कीर्ति| सांभाळली पाहिजे||१४|| उदंड राजकारण तटलें| तेथें चित्त विभागलें| प्रसंग नसतां लिहिलें| क्षमा केली पाहिजे||१५”