“فيه ملاحظة مهمـة جدًّا، ومتكررة جدًّا جـدًّا في عيادات الأطبـاء النفسيين في أوقات الامتحانات.‏ طالب في كلية مرموقة (أو في ثانوية عامة).. طول عمره متفوق.. بيطلع الأول.. بيذاكر زي الفل.. ‏أهله بيحبوه ويصقفوا له على نجاحاته وإنجازاته الدراسية منقطعة النظير.. وييجي وقت الامتحانات.. ‏وهوووووب.. تحصله حالة غريبة جدًّا: مش طايق الكتب.. مش عارف يركز.. مش عارف ينام.. ‏بينسى بسرعة.. قلق فظيع وكتير قوي.. يدخل لجنة الامتحان والمعلومات كلها تطير من دماغه..
أو ‏يجاوب وحش جداااا.. أو يرفض يدخل الامتحانات من أصله.. أو يدخل ويسقط مرة واتنين وتلاتة”