الحب الكمنتسى..أولى قصص متاريك العاتفية

فى جنينة الأسمااك جلساا وأمام كل منهما كوباية عصير
عصام : بحبك يا فتنة
فتنة : بحبك يا عصام
عصام : بموت فيكى يا فتنة
فتنة : بموت فيك يا عصام
عصام : الحب مولع فى الدرة يا فتنة
فتنة : الحب مولع يا عصام
عصام : يا جارحة القلب بقزازة القلب من غيرك مالهوش عازة
فتنة يحمر وجهها خجلا وتقوله :كفاية يا عصام اانا بتكزززف
عصام : الحب مشطشط يا كرمبة انا من غيرك هاخد ميت زمية
فتنة فى كزووف: الله عليك وعلى كلاااامك الحلو انت بتجيب الكلام دا منييين
عصاام : قلبى بيطفح حب يا فتنة..انا من ساعة ما شوفتك وحاسس اننا وانتى روحين فى زكيبة يتعلموا مننا الحبيبة...انا من غيرك زى الحمااااااار من غير البردعة بتاعتووو....انتى بردعة حياتى يا فتنة
فتنة فى خجل: ما احلى تعبيراتك يا حب عمرى القطقوط
عصام : لو عرضوا علياااا ملايين الدولارااااات فى مقابل انى اسيبك ...طبعا هسيبك يعنى حد يرفض حاجة زى دى
فتنة : أحب فيك واقعيتك يا عصام
عصام : لو طلبتى منىىى انى افقلعك جوز عونيا لمجرد ان ده يسعدك..طبعا مش هفقعهم يعنى هى العونين بعزقة اضيع بلاش يعنى انااا
فتنة : أحب فيك صراحتك يا عصوووم
عصام : فتنتىىىىى
فتنة : عصاعيصوووووو
عصام : هنتجوز امتا بقى يا فتنة سيرتنا بقت على كل لساان
فتنة : بقالنا سنتييين ماشيين مع بعض بس انت عارف ان بابى مش موافق علييك لانك مش من مستوانا الإجتماعى
عصام : ده انتى ابوكى سبااك
فتنة : وأنت أبوك بيسلك بوابير
عصام : وبعدين يعنى مفيش حل بقى ونتلم
فتنة : مفيش حل غير اننا نهرب ونتجوز من ورا اهاليناا
عصام : نهرب ونروح فين انتى كمااان ..شكلك بتتفرجى على افلام عربى كتير باين عليكى هو احنا لاقيين ناكل
فتنة : ممكن نتجوز فى اودتك فى بيت ابوك وامك
عصام : ما انتى عارفة ان ده مستحيل ثم اننا اصلا مالياش اودة انا ببدل مع اخويا وانا وهو كل واحد فينا بينام فى التلاجة يوم
فتنة تنظر اليه شذرا : طب والحل يا عصاام؟
عصاام : مش عارف بقىىىى
فتنة : هنفضل كددا لحد امتاااا؟
عصام : انا املى انى اول ما اتخرج اشتغل
فتنة : وانت هتشتغل ايه بالمعهد الى انت فيه داا؟
عصام : انتى بتقولى ايه دا انا خريج المعهد العالى لاعداد القادة المتوترين والمعهد الفنى الزراعى الصناعى التجارى للتطشيب النضيف تحت السرير يعنى الف من يتمناانى
فتنة : ما انا اخويا اهو مخلص معهد العزف تحت المااء بقالو سنتين معملش اى حاجة
عصاام : وحتى لو انا اشتغلت هصرف عليكى ازااى وانتى محتاجة علف بقد كداااااااا
فتنة : علف؟؟؟ انت بتكلم جاموسة يا حاج ؟ وبعدين يعنى هو انت بتعتق ما انت شغال طالع واكل نازل واكل انت كمان
يتهور عصام ويلفح فتنة بونية تحت عينها
بووووووووووووووووم
لتقع ارضا وهو ينهض فى كبرياء وينظر لها فى كبرياء ويضع يده فى كبرياء ليكتشف فى كبرياء ايضا انه مش معاه فلوس
فقال لها فى تعالى : ابقى حاسبى على العصير يا فتنة
وتركها وغادر
وغادر
وغادر
وغادر