حكاية قلب

انا موجوع لكني حي ..
في عيني دموع وفيها الضي ..
في قلبي ذكرى منسية وعين تاهت ومش ليا ..
في نفسي آه من الأحباب لكني اقوى منها اكيد ..
ومش هبحث عن الأسباب وجودها مش هيبقى مفيد ..
اهم شيء ان الحياة ماشية وشايفة سكتها ..
هنسى اكيد دي نفسي وعارفة نهايتها ..
هتبكي يوم وتتألم .. لكن هتقوم وتتعلم ..
هتنسى اللي جارحينها وباعوا ونسيوا مين هي ..
هتكتب سطر تاني جديد وتحكي عن حكايتها ..
حكاية قلب عمره ما خان ولا فكر يبع خلِه ..
لكن في ناس ومهما تدوس على نفسك يبعوا القلب ويذلوا ..
لكن ده محال في نفس عارفة عايشة ليه ..
هتزعل يوم لكن هتقوم وتضحك ضحكة المظلوم ..
لكن عمره ما يوم هيكون اكيد شمتان ..
رسالتي ليك يا قلب الجرح ساكن فيك ..
ارجوك فوق لنفسك وانسى جارحينك ..
هيجي اليوم ويعرفوا كانوا ظالمينك..
حياتك مش رواية لحد يقسم فيها تفاصيلك ..
حياتك ملك ليك وحدك ،، روح ارسم فيها تفانينك ..
وعيش وارمي الحمول ع الله ..
ده ربك هو ده سبيلك ..
----
ابتسام مصطفى