مجرد علاقة بريئة

مجرد انبوكس برىء ,, ده الموضوع اللى إحنا هنتكلم عليه إن شاء الله فــى الكتاب مجرد علاقة بريئة ,, الكلمة اللى بتقابلك أول ما تسأل يا فلان إنت واقف مـع زميلتك فى الجامعة ليه ؟ مجرد علاقة بريئة ! يا أختى بتكلمى واحد على الشات ليه ؟ مجرد علاقة بريئة ! يا أختى بتهزرى مع زمايلك فى الشغل لــيـه ؟ مـجـرد عـلاقـة بريئة ! والعلاقة البريئة تتطور لمسج بريئة ! تتطور إلى مسد كول بريئة ! تتطور لحب برىء ! تتطور لمصايب ايضا بريئة ..

للأسف مـحـدش بيعترف حـتـى لأخــــر المراحل إن الموضوع خرج عن حدود البراءة ..

مـوضـوع الـصحـوبـيـة والـدردشـة بين الأولاد والبنات على النت وتتسع الدائرة لتـشمل كـل حـديث محرم بين ولد وبنت غير مرتبطين ,, موضوع خطير جداً ,, ولــم أجـد من الكتّاب من أفرد لـه كتاباً
أو حتى رسـالـة ,, عايزين نحاول نكمل الثغر ده فينا ..

أنا واثق من نفسى ,, أنا واثق من بنتى ,, هو انت فاكر الناس كـلها ذى بعض ,, انــا بنتى دى حاجة تانية ,, طيب تعالى يا عم الواثق عندنا فى الجامــعة وشوف المترميين على ارصفة الجامعة اتنينات اتنينات مع بعض ,, وتعالى يا عم الواثق نسمعك بيقولـوا ايه لبعض ,, شوفت اخر مكالمات بنتك يا عم الواثـق ,, طـيب شـوفــت اخـر رسـايـل وصلت لها على الفيسبوك يا عم الواثق ,, بنات نـاس اللى بـيعـمـلوا كـده ولا لأ ؟ وكل الناس فاكرين ان ولادهم مختلفين عن باقى جيلهم .


هــى ظـاهــرة وإن شئت قــل أزمـة انتشرت فى الأمة ولم يسلم منها الا صاحب الدين وصاحب الـمبادىء ... كمـا ذكرنا فى المقدمة ممكن تلاقيه وتلاقيها من أشد المدافعين عن دينه ولكن عنده خلل فى النقطة دى ومش عارف يعالجه ..