खै के सुनाउनु उनलाई मुटु मेरो पोलेको (गीत)

गीत
-सुमन पोखरेल


खै के सुनाउनु उनलाई मुटु मेरो पोलेको
देख्दछु उनको मुहारमा मेरै व्यथा दुखेको

चोट लुकाए झैँ मनमा
देख्दिनँ जाँगर तनमा
मुस्कान हराएको देख्छु
फिकाफिका अधरमा मेरै कथा लेखेको
देख्दछु उनको मुहारमा मेरै व्यथा दुखेको

शब्द हराए झैँ भाकामा
देख्दिनँ रहर आँखामा
आँसु रसाएको देख्छु
उदासउदास नजरले मेरै जेथा बोकेको
देख्दछु उनको मुहारमा मेरै व्यथा दुखेको


Hazaar Aankhaa Yee Aankhaama
Suman Pokhrel