الكراسي الموسيقية
اليتامي زادو واحد
النهاردة زادو الف
الكراسي الموسيقية
وكله عمال يلف
مين هيكسب ؟
دم دم ف كل حته
مش مهم
هات شريطة وداري عينك
مين هيكسب ؟
صريخ وهم ف كل حته
مش مهم
حط صبعك جوا ودنك
مين هيكسب ؟
مش مهم مين هيكسب
المهم مين هيكسب
مش مهم مين هيكسب
المهم مين هيكسب
مش مهم مين..
وهكذا نستمر
وقال عايزين نستقر
اتنين من نفس المكان
يقتله ويمشي ف جنازته
لا ويبنيله الصوان
والكلام الكلام
الجدال الجدال
القتال والحريق
وصلنا بقينا كام فريق ؟
وصلنا كام دم بريء ؟
طب العيش ؟
الحرية ؟
والعدالة الاجتماعية ؟
طب خارطة الطريق ؟
طب والدنيا
هي هي
ولا أسوأ ؟
طب وصاحبي
والشهادة بين ايديا
والوصية ؟
طب وبكرة
طب وبعده
ليه كلامهم زي بعضه
طب وموتك
ده لمصر
ولا عشان كرسي ف قصر
ومين هيكسب ؟
عبد الحميد عبد اللطيف
No comments have been added yet.
