مش لاعب

لما تشوف صور الشهدا... بص الناحية التانية
ولو فكرت في مرة تبص عليهم كده لو ثانية
مش تستغرب
لما القايمة تزيد وتلاقي فيها ناس تانية
*****
أصل بلدنا ياصاحبي تشبه ماما الغولة
دم ولادها بيغذيها
وفي الحواديت حتى الغولة مش مسئولة
دمنا أرخص حاجة فيها
موت واستمتع كده بالموت.. تبقى شهيد
رقم وجديد وكمان صورة
تملى القايمة وتعليها
*****
أنا عن نفسي قولت خلاص
دم كفاية .. أنا مش لاعب
واللي عنده دم يا ناس
أحسن من صاحب الإحساس
كفايانا متاعب