A sofisticada máquina de chegar tarde a todos os sitios

Dez putos anos despois de publicar o puto Inflamable (Edicións Positivas, 2012) e de telo en formato EL SONIDO con MUSIQUIÑAS e todo subido a LA INTERNETE, tiven a santa puta decencia de subilo a Youtube.

Deste xeito e desde agora, poderás gozar da real galician poetry no teu dispositivo privado logo de paparte un anuncio dun curso de minar bitcoins cun aspirador.

Outro día explicarei como se realizou a gravación destes poemas, que tamén ten o seu aquel, e o porqué do son tan puto random que teñen. Pero, como digo, iso será outro día; probablemente, dentro doutros dez putos anos, xa que é o período mínimo que necesitan para seren levadas a cabo as cousas que non importan unha puta merda.