ساره عاشور's Blog, page 7

أمم أمثالكم

من كام شهر عملت بنصيحة الكاتب محمد الرطيان وحطيت علبة بلاستيك صغيرة كده على سور البلكونة عشان العصافير تشرب منها عشان الحر.حطيتها ووقفت أراقب من بعيد وبفكر"هما هاييجوا إزاي؟ هايعرفوا إزاي هنا في ماية وكده؟" وبعدين خوفت مايجوش ووقفت أتخيل بقى الحر هايعمل فيهم إيه وعصفورة تبقى طايرة كده وتقع عشان كانت عطشانة وملقتش ماية تشرب ومعرفتش إني حاطة ماية وأنا معملتش حاجة عشان أعرفها إني حاطة ماية فأنا هاشيل ذنبها "في دماغي بشيل ذنب كل الحيوانات اللي مش بساعدها"وفجأة لقيت عصفورة جت على الماية على طول عل...

رمضان

بقالي كام ساعة فاتحة ومش عارفة أكتب إيه .. عقلي مُصمم أكتب عن رمضان. فاهكتب عن رمضان.

رمضان بيقولوا عليه شهر اللّمة بس بصراحة عيلتي مفيش فيها الكلام ده .. يمكن كان زمان عن دلوقت فامبقتش بفتكر موضوع اللّمة ده.رمضان بيقولوا عليه شهر الأكل .. بس عيلتنا الحمدلله ماعودوناش أبداً ع الموضوع ده.
رمضان كان أحلى زمان..
بوجي وطمطم وعم شكشك. كنت بحب عم شكشك أكتر حاجة. بس باظ المسلسل لما عملوه تاني.

صلاة الفجر في المسجد. والزحمة اللي بتبقى موجودة.التراويح وأصوات الأذان .. بحس إن صوت الأذان في رمضان غير طول ال...