صديقي السيكوباتي Quotes

“‏ ‏‎ ‎‏ لم يحب اللون الأبيض أبداً على الرغم من أنه كثيراً ما يرتديه.‏
لطالما تساءل (هادي) لِمَ يتخذون من الأبيض رمزاً للنقاء والطهارة.‏
الأصدق بالنسبة له هو أن الأبيض لوناً مملاً ومدعياً.‏
الأبيض مثله مثل الأشخاص الذين مروا بحياته، متظاهرون وخدّاعون، فهذا البياض الناصع لا ‏يغطى سوى حمرة الطوب ورمادية الأسمنت ليدهنهم بنقاء مخادع وطهارة كاذبة ‏”
― ميرنا المهدي, صديقي السيكوباتي

“يظل الماء يملأ الكوب بلا هوادة أو حساب حتى ‏يصل لأقصاه وحينها، يطفح كيله ويفيض”
― ميرنا المهدي, صديقي السيكوباتي

“‏ لم يكن ليتبين الطريق ولكنه كان ثابت الخطى، واثق المسار.‏
‏ فعلى الرغم من أن ظلام ليل الريف موحشٌ حتى وإن كان قمر سمائه بدراً زمهريراً، إلا أن بالنسبة ‏له، لم تكن عتمة هذا الحقل أكثر ضنكاً مما مر به بحياته عامة، وبهذه الليلة خاصة.‏”
― ميرنا المهدي, صديقي السيكوباتي

“‏- بيقولوا على الإنترنت إن السيكوباتي مش بيحس بتأنيب الضمير أو الذنب اتجاه الناس حتى لو كان أذاهم أذى ‏كبير .. الكلام ده بينطبق علية بالمللي.‏
‏- وأنت أخر مرة أذيت حد كان إمتى؟
‏- إمبارح الفجر.‏
‏- أذيته إزاى؟
ثبت نظارته على أنفه ثم همس ‏
‏- قتلته.‏”
― ميرنا المهدي, صديقي السيكوباتي

“أنا أصلاً مش بتناقش مع حد عشان ببساطة الغرض الوحيد من أى نقاش في مجتمعنا هو إنك تثبت لنفسك إنك ‏صح وإن رأيك اللي انتصر .. وأنا مش غاوي فرهدة.‏”
― ميرنا المهدي, صديقي السيكوباتي

“مش إحنا اللي سيكوباتيين، المجتمع هو اللي عايش دور الضحية .‏”
― ميرنا المهدي, صديقي السيكوباتي

“كيف للشاة أن تظن نفسها سبعاً ويخيل لها أنها قادرة على الهرب من قدرها إذا تظاهرت بمقاومة جزارها؛ هيهات .. ‏فمحاولاتها العبثية للنجاة لا تعكس شيئاً غير أنها لا تتقن سوى لعب دور الضحية بكل حكاية شعبية.‏”
― ميرنا المهدي, صديقي السيكوباتي

“إنت غضبان.باين في عيونك الحلوين دول.العالم قاسي عليك من يوم ما اتولدت يا ناجي . بس ده مش مبرر عشان انت كمان تقسى علي مخاليق ربنا .”
― ميرنا المهدي, صديقي السيكوباتي

“هكذا هو الارتباط،علاقة عكسيه تنص علي انه كلما زاد حبك لشريك حياتك ، قلت قدرتك علي تمييز عيوبه ، كأنك كفيف يشتري سيارة.”
― ميرنا المهدي, صديقي السيكوباتي

“خرج من الباب ودعس العشب ولم ينظر لأعلى، لم يعد يبالي إن كان (خونسو) يتبعه.‏
لم يعتقد أن الظلماء ستكون بتلك الوطأة وأنه لن يستطيع أن يرى حتى كفه ولكن فليذهب النور ‏والضوء والضي والشمس و(رع) وقدس الأقداس إلى الجحيم، فهو يعرف طريقه كأنه خطط لتلك ‏اللحظة في أحلامه مئة مرة أو كأنه قاتلٌ بالفطرة .. ولكن لِمَ قد يكون طفل بالحادية عشرة لم يبلغ ‏أشده قاتلٌ بالفطرة”
― ميرنا المهدي, صديقي السيكوباتي

“‏ - بتحس إن الناس بتستغلك بسبب حبك ليهم؟
‏- لأ، لإني ببساطة مابحبش حد .. ربنا خالقني من غير الأوبشن ده .. وده في حد ذاته نعمة.‏”
― ميرنا المهدي, صديقي السيكوباتي

“‏- المشاعر كلها سخيفة.‏
‏- حتى الحب؟
‏- الحب أسخفهم .. كدبة رأسمالية اخترعوها عشان يجبروك تشتري وتصرف بدافع شعور وهمي غير موجود .. لو ‏بتحب ولادك دخلهم مدرسة مصاريفها مش هتتسدد غير لما تبيع كليتك، لو بتحب مراتك جيب لها المجوهرات ‏الغالية دي، لو بتحب الحياة الكريمة اشتغل 15 ساعة وخد مرتب قليل وبوس إيدك وش وضهر. الحب هو أساس ‏كل بذخ وكل استغلال عاطفي. الحب مالوش هدف غير السماح للنظام والمجتمع بتحريكك زى الماريونيت. ‏”
― ميرنا المهدي, صديقي السيكوباتي

“‏- الرضا مش بيجيب غير الخراب .. اللي بيرضى بيسكت وبيسيب الدنيا تلطش فيه بدون ما يعمل حاجة يحمي بيها ‏نفسه .. لو كلنا راضيين ماحدش هيعوز أكتر ولو ماحدش عاز أكتر ماحدش هيشتغل ولا يتعب ولا يسعى ولا يعمر ‏الأرض. هيفضل كل واحد واقف في مكانه لحد ما الأرض تبطل دوران وينفخوا في البوق ونموت.‏”
― ميرنا المهدي, صديقي السيكوباتي

“‏- كل راجل جواه ست، وكل ست جواها راجل، والاتنين جواهم إبليس.‏”
― ميرنا المهدي, صديقي السيكوباتي

“‏- اللي يتعاطف مع الخرفان عمره ما هيبقى سَبع .‏”
― ميرنا المهدي, صديقي السيكوباتي