Луѓе, птици и сеништа Quotes

“Додека стариот врабец удобно се сместуваше на нејзините гранки за да продолжи со сонот, поразена од одвратноста и немоќта, брезата очајнички погледна кон месечината за да ја подели со неа грозната тајна. Но, таа остана недостапна и ладна.”
― Жанета Станоевска, Луѓе, птици и сеништа

“Силен умор почна да го обзема неговото кревко тело и иако беше гладен, жеден и во душата полн со онаа црна леплива маса што се вика тага, тој попушти пред налетот на сонот. И, додека денот мрзеливо ги гнетеше последите зраци назад во својата утроба, а месечината исплива на небото во сета своја студена ароганција, врапчешкото јато заспа. Само брезата втренчено гледаше пред себе ширејќи миризба на неспокој.”
― Жанета Станоевска, Луѓе, птици и сеништа

“Човек не умира кога треба, ами кога мора.”
― Жанета Станоевска, Луѓе, птици и сеништа