Hindi Lamang Salita Quotes

“Ngunit ano man ang nagtulak
sa iyong pagpasok sa aking silid,
pinilit ka man o nayaya
o nais lamang sumubok,
ihanda na rin ang sarili:
babalik tayo sa panahong kababalaghan pa ang apoy,
sisilip sa mundong simbilis ng liwanag
ang paglalakbay,
at dadamhin ang init ng lupang
tinutuntungan natin ngayon.
Buksan na rin ang dibdib
sa himig ng sariling dila,
ng sariling panaghoy,
ng sariling adhika,
ng sariling panaginip.
Buksan na rin ang ilong
sa alingasaw ng sariling dumi,
ng sariling hininga,
ng sariling pagkaagnas.
Ngunit higit sa lahat:
ihanda ang kaluluwa
sa pagtubo at pagtibay
ng sariling ugat at pakpak

(Mula sa UGAT AT PAKPAK)”
― Emmanuel V. Dumlao, Hindi Lamang Salita: Mga Tula

“(Ngunit ano man ang nagtulak
sa iyong pagpasok sa aking silid,
pinilit ka man o nayaya
o nais lamang sumubok,
ihanda na rin ang sarili:
babalik tayo sa panahong kababalaghan pa ang apoy,
sisilip sa mundong simbilis ng liwanag
ang paglalakbay,
at dadamhin ang init ng lupang
tinutuntungan natin ngayon.
Buksan na rin ang dibdib
sa himig ng sariling dila,
ng sariling panaghoy,
ng sariling adhika,
ng sariling panaginip.
Buksan na rin ang ilong
sa alingasaw ng sariling dumi,
ng sariling hininga,
ng sariling pagkaagnas.
Ngunit higit sa lahat:
ihanda ang kaluluwa
sa pagtubo at pagtibay
ng sariling ugat at pakpak

Mula sa UGAT AT PAKPAK)”
― Emmanuel V. Dumlao, Hindi Lamang Salita: Mga Tula

“Itong hinahangaan mong talino?
Kung alam mo lamang ang aking kinasadlakan
bago ko ito natamo.”
― Emmanuel V. Dumlao, Hindi Lamang Salita: Mga Tula