Քառյակներ Quotes

“Երկրներ ենք փոխում, քաղաքներ զանազան,
Մեր դեմ՝ միշտ նոր դռներ, դեռ շատ ճամփաներ կան...
Սակայն մենք մեզանի՛ց պրծում չունենք երբեք,
Իսկ եթե ունենք՝ լոկ գրկում անհայտության։”
― Օմար Խայամ, Քառյակներ

“Նա, ով կյանքը հասկացել է, չի շտապում.
Վայելում է պահը ամեն ու հիանում՝
Ոնց է անձրևը մեղմ երգում ու ձյունն հալվում,
Մանուկն անուշ ննջում, ծերը աղոթք անում։”
― Օմար Խայամ, Քառյակներ

“Շատ կանանց եմ ընտիր դիպակ, սիրուն զարդեր հագցրել,
Բայց նրանց մեջ ես փնտրածս դեռ գտնել չեմ հասցրել,
Հարց տվի մի իմաստունի՝ ո՞րն է կինը կատարյալ,
Ասաց՝ հենց նա՛, ով կողքիդ է , զուր է ուրիշ տեղ փնտրել։”
― Օմար Խայամ, Քառյակներ

“Բուռն կրքերի ժամանակն անցավ, շատ բան է փոխվել.
Էլ ողբերգական կեցվածքներ չկան կամ խանդոտ ճառեր։
Այլևս հասու՛ն, մեղմ, խաղաղ սիրո օրերը միայն
Մեկ-մեկ են ալվան վարդեր նվիրում կամ մանուշակներ։”
― Օմար Խայամ, Քառյակներ

“Քո հմայքի հանդեպ անպարտ մեկը չկա՛ աշխարհում,
Քո կարոտից չխենթացած մեկը չկա՛ աշխարհում։
Ու որքան էլ դու բոլորի հանդեպ պաղ ու անտարբեր՝
Քեզ չկանչող, չերազող մեկը չկա չկա՛ աշխարհում։”
― Օմար Խայամ, Քառյակներ

“Երբ սերն ինձ անհայտից մի օր կյանքի կոչեց,
Առաջինն հենց սիրո դասերը մատուցեց,
Հրաշք մի բանալի ձուլեց նա իմ սրտից,
Որով ոգու բազում գանձեր իմ դեմ բացեց։”
― Օմար Խայամ, Քառյակներ

“Նվիրական մի գաղտնիք եմ ուզում այսօր քեզ բանալ,
Թույլ տուր երկու բառով ասել, էլ չեմ կարող դիմանալ.
Կուզենայի սիրուդ ձուլված՝ իջնել թեկուզ գերեզման,
Ու քո սիրուց վերածնված՝ հողից քեզ մոտ բարձրանալ։”
― Օմար Խայամ, Քառյակներ

“Աղքատության պատճառով չէ, որ խմելը ես թողել եմ,
Ո՛չ էլ վախից, թե կյանքի մութ գետնախորշում կհայտնվեմ,
Խմում էի, որ գինովնամ, սիրտս մի քիչ խինդով լցնեմ.
Հիմա, երբ լի եմ քեզանով, ինձ խաբելու կարիք չունե՛մ։”
― Օմար Խայամ, Քառյակներ

“Այս սափորը ինձ նման խենթ մի սիրահար է եղել,
Իր սիրունի խոպոպներով գերված-տարված է եղել,
Իսկ բռնակը, որ տեսնում եք պարանոցին նրբագեղ,
Ձեռքն է նրա, որ անբաժան՝ յարին փարված է եղել։”
― Օմար Խայամ, Քառյակներ