انعكاس Quotes

“عيشت تشتري ناس كتير و جه الوقت اللي تشتري فيه نفسك و لو مرة واحدة في حياتك.”
― نورهان إبراهيم, انعكاس

“أوقات كل اللي بنبقى مستنيينه مجرد اعتذار أو على الأقل اعتراف الشخص التاني إنه غلط في حقنا و عارف إنه وجعنا مش أكتر ...
مجرد إحساسنا إنهم فعلا بيحسوا و إن كان لينا قيمة و إننا فارقين ... أسوأ حاجة ممكن تعملها في بني آدم إنك تخليه يحس إنه هان عليك و إنه كان قليل أوي بالنسبالك.”
― نورهان إبراهيم, انعكاس

“ربنا مش هينسى الليالي اللي نمنا فيها معيطين و مقهورين بسبب ناس ظلمونا و وجعوا قلوبنا و هيجيبلنا حقنا و لو بعد حين.”
― نورهان إبراهيم, انعكاس

“أنت عمرك ما كنت مسئول عن قدرك بإنك تقع ... بس من لحظة وقوعك أنت مسئول عن إنك تقوم تاني و تقف على رجليك.”
― نورهان إبراهيم, انعكاس

“حياتك لو كانت سهلة و النجاح بيجيلك بطرق منطقية جداً مش هيبقاله معنى ، ما هو ده العادي ... بس المُغامرة هي اللي بتديله طعم و قيمة.”
― نورهان إبراهيم, انعكاس

“كل ما كانت حياتك معقدة كل ما كانت مُلهمة لغيرك.”
― نورهان إبراهيم, انعكاس

“زي ما وقفت مع غيرك في أوقاتهم الصعبة و ربنا جعلك سبب يطبطب من خلاله على عباده في محنتهم ... ربنا هيبعتلك في أوقاتك الصعبة الأيادي اللي يطبطب على قلبك بيها من حيث لا تحتسب.”
― نورهان إبراهيم, انعكاس

“ما تداوش نفسكم على حساب وجع ناس تانية ملهاش أي ذنب غير إنها حبتكم و صدقتكم ،
النسيان هو الحاجة الوحيدة اللي لازم توصلها لوحدك.”
― نورهان إبراهيم, انعكاس

“ربنا بيبعتلنا ناس بنحس إنهم العوض عن كل اللي فات.”
― نورهان إبراهيم, انعكاس

“مشكلتك إنك شايف نفسك صغير و عاجز عن مواجهة أي حاجة في حين إن ربنا شايفك كبير و تقدر تهزم أي محن بيبتليك بيها لإن سبحانه و تعالى مش بيديلك غير الضربات اللي تقدر تستحملها و تخرج منك إنسان جديد ... أقوى من الأول.”
― نورهان إبراهيم, انعكاس

“لحظات فشلنا المتكررة مش هتخلص ... في كل مرحلة بتمر بيها هتقابلك لحظة فشل ما هتعلن ميلاد إنسان جديد جواك في نهايتها ...
ما تحددش نجاحك أو فشلك بناء على رأي الناس في اللي بتعمله ،
ما تحكمش على نفسك بالفشل من مجرد محاولة واحدة الحظ ما خدمكش فيها ،
الفشل الحقيقي هو إنك تفقد إيمانك بنفسك و باللي بتعمله ،
الفشل الحقيقي هو إنك تبطل تحاول لحد ما توصل ،
الفشل الحقيقي هو إنك تبيع القضية و تخسرها قدام نفسك.”
― نورهان إبراهيم, انعكاس