Grensgeval Quotes

“Fiksie verg nou eenmaal ’n gedeeltelike verdoeseling of vervalsing van feite, anders is dit nie meer fiksie nie.”
― Marita van der Vyver, Grensgeval

“Twee jaar later, in die winter van 1995, het sy die eindfluitjie vir haar huwelik hoor blaas. Alles was verby, daar is nie eens meer beseringstyd oor nie. Niemand het die stryd gewen nie, albei kante het verloor. Daar kon nie ’n wenner in hierdie kragmeting wees nie.”
― Marita van der Vyver, Grensgeval

“Kan jy iemand soos Waldie Raubenheimer vergewe omdat hy net nog ’n gebreinspoelde jongeling was? Net nog méér gebreinspoel as Theo van Velden en derduisende ander? Dan moet jy mos alle soldate in alle oorloë vir hulle gruweldade vergewe? Omdat oorlog nie anders kan as om tot gruweldade te lei nie?”
― Marita van der Vyver, Grensgeval

“Sommige ervarings word nooit vergeet nie, net onderdruk.”
― Marita van der Vyver, Grensgeval

“En nadat sy ’n ruk lank rigtingloos van die een verdieping na die ander gedwaal het, besluit sy sy hou nogal van hierdie atmosfeer van vervloë elegansie wat begin uitrafel. So ’n vae suggestie van seediness wat vir haar aanlokliker as ’n karakterlose kettinghotel is.”
― Marita van der Vyver, Grensgeval

“Ons was ’n spul skytbang seunskinders wat oorlog-oorlog moes speel maar daai dag het ek geweet dit was nooit ’n speletjie nie en dit sal nooit ’n speletjie wees nie. Ek het die lig in daai ou se oë sien afgaan, ek kon nie anders nie, ek moes na sy oë kyk want alles onder sy nek was ’n bloedige gemors. Ek was negentien jaar oud. Hy het nie veel ouer gelyk nie. Eers toe hy dood is, sien ek die brief in sy hand. Hy wou nie ’n wapen uitpluk nie, hy wou vir my ’n brief gee. Vir wat de fok wou hy dit vir MY gee?”
― Marita van der Vyver, Grensgeval

“Snaaks, het sy dikwels daarna gedink, hoe ’n mens sulke lewensveranderende besluite sommer so op die ingewing van die oomblik kan neem. Grinnikend oor ’n glas wyn. Want jy weet nie wat die werklik belangrike besluite in jou lewe is terwyl jy hulle neem nie. Eers later, wanneer jy terugkyk, besef jy dat alles anders sou uitgewerk het as jy dáár anders besluit het. Of dalk nie.”
― Marita van der Vyver, Grensgeval