أحمد سماعين Quotes

“تذكرة القطر بمبلغ و بقدره
و القطر ماهوش على كيفه.. ولا قطرُه
و إن مات حتى بخـُطره
و إن شالله يخس دراع
لكن مش ممكن حاجة تعطل سفره
مسافر يعنى مسافر
أبنود ضاقت .. وملوش فيها دلوقت
غير تمن القطر .. وتمن القطر ده وقت”
― عبد الرحمن الأبنودى, أحمد سماعين: سيرة إنسان

“أباتنا من كتر الهم ماكانوش بيقولوا
مش فاكر سماعين قضي آخر عمره كيف؟
مش معقولة ماكانش في جوفه يا ولدي كلام.
بس الحزن إذا طال القلب يا ولدي.. خلاص.
قول علي الرجل يارحمن يارحيم
الشقي مش متعب.
التعب الأكبر حزن النفس في آخر العمر.
لما تلقاك قضيت عمرك كله لم دقت إلا الحزن.
والعمر بيخلص قدامك.
ومحطته علي بعد الرِّجل
وأنت طالع منها بلا ضحكة..
وبلا حاجة تسر القلب.
تزعل.. وتموت وأنت ماشي..
قلبك ييبس. ولسانك يقعد علي القول ما يقومش.”
― عبد الرحمن الأبنودي, أحمد سماعين: سيرة إنسان

“أحسن ميت هو اللي لما يعدي على بالك تضحك مش تتغم”
― عبد الرحمن الأبنودي, أحمد سماعين: سيرة إنسان

“ما تبعترش القول إن كنت في آخره هتندم”
― عبد الرحمن الأبنودي, أحمد سماعين: سيرة إنسان

“وكإن ملاية الليل شابكة في مسمار
والهم تقيل يا أحمد في القلب
بيمشي ويتمطع جواك ويدب”
― عبد الرحمن الأبنودي, أحمد سماعين: سيرة إنسان

“يا جماعة أيوه أنتو بتحبوني
الدنيا عليا صعبة بدونكم
والدنيا عليكم صعبة بدوني
لكن يا جماعة الحب ده شئ من عند الله.
طول عمره ما يعذّب ولا يتعب
ولا يربط إنسان في عذاب.
ولا يقفل علي فرح القلب غلق ولا باب.
اللي يحب إنسان يتمناله الخير..”
― عبد الرحمن الأبنودي, أحمد سماعين: سيرة إنسان

“عمري ما شفت بلد زي بلدنا
ما يجمعها غير الهم”
― عبد الرحمن الأبنودي, أحمد سماعين: سيرة إنسان

“مين قال أن النوم
يعرف سكة بال محتار”
― عبد الرحمن الأبنودي, أحمد سماعين: سيرة إنسان

“كان لما يلاقي بنود جاية ع الغلطان..
يخلق أسباب .. ويقول " الناس أعذار"..
ويعود للفاس
ويسيب أحوال الناس للناس
هو ماكانشي يشارك إلا في العُذر وفي الحوجة
لو حد احتاجه.. خدام
إنما حكمه علي ده.. أو ده..
كان دايما سايبه للأيام.”
― عبد الرحمن الأبنودي, أحمد سماعين: سيرة إنسان

“الناس في بلدنا يااخواني بتعامل الإسم
والإسم في وسط الرجالة بوزن
أبقي جيفة
لكن لازم تبقي من بيت مين.
الحرامية في أبنود .. برائتهم أساميهم.
القرش في أبنود يا اخواني هو اللي خلي العمدة يقني في زريبته سماعين.
إذا كنت باخترف يا عويضة..
ولا أنت يا عب جواد..
عندي إن القرش -إن جاني-
.لا ليه سكة مرسومة ولا ميعاد”
― عبد الرحمن الأبنودي, أحمد سماعين: سيرة إنسان

“والخوف مالي وطافح بره القلب المخطوف”
― عبد الرحمن الأبنودي, أحمد سماعين: سيرة إنسان