Вечно сегашно време Quotes

“Сликата-сведок за она што можеше, но сепак не се случи почнува да се зголемува и шири. Од креветот, постелнината, преку бушавиот тепих ги освојува ѕидовите, таванот, предметите во собата.
Додека не исполни сè.”
― Владимир Јанковски, Вечно сегашно време

“За момент ја остава книгата и ја погледнува. Се насмевнува. Со насмевката што еднаш ја нарекоа Небисакалдабидамнаниеднодруго-место-освен-тука. Потоа ѝ се враќа на книгата и продолжува да чита.”
― Владимир Јанковски, Вечно сегашно време

“На почетокот се разочарани зашто она што за нив беше знак на распознавање и влез во засебен свет, за сите други е невпечатлива декорација на уште една сива скопска фасада. А потоа сфаќаат дека дури и не можат да замислат подобра среќа од тоа да бидат сопственици на јазик кој за другите не само што не е привлечен, туку е и невидлив, да бидат заробеници во свет кој само ним им е возбудлив.”
― Владимир Јанковски, Вечно сегашно време

“Знаеш, и деновите имаат боја.”
― Владимир Јанковски, Вечно сегашно време

“Верувам дека најдобро можеш да видиш каков е некој кога неочекувано ќе му заѕвониш на врата во 4 по полноќ.”
― Владимир Јанковски, Вечно сегашно време

“Имам 32 години и став дека човекот е составен од фантазии и кал.”
― Владимир Јанковски, Вечно сегашно време

“Дојде на аеродромот од едноставна причина: ги сакаше автобуските и железничките станици, аеродромските терминали. Места на заминување и доаѓање. Места на кои врз лицата на луѓето можат да се прочитаат трагите од патувањата. Исчезнувањето на еден свет и пристигнувањето на друг.”
― Владимир Јанковски, Вечно сегашно време