حواري نفسية Quotes

“إلى المزعومة أحلامي
أنا آسف على التأخير
بخطِّي خطاوي على قدَّي
عشان أوصل لحلم كبير
وصعب اليأس يملكني
مع ربك الصعب يِسير
(15)
إلي الحارة وحتَّتنا
ولعب الكورة صُبحيَّة
وعم أمين ف دكَّانته
بيروي الأرض بالميا
وست الحسن بتعدِّي
عباية لف خمريَّة


(16)
الي اللمَّه ف وقت فطار
آذان مغرب وطبليَّة
وكل الأهل تتجمَّع
ف صُحبة أحلي أمسيَّة
وطبلة أصحي يانايم
وصول المغفرة غيَّه
(17)
إلى الوحدة اللي عشقاني
وواخده القلب كـ تكيَّة
انا كاره لمعاليكي
وبالنسبالي منسيه
سبيني لوحدي أرجوكي
وودَّعي كل شئ فيا”
― أحمد صلاح, حواري نفسية