Дурлал зохион бүтээгч Quotes

“Амьдрал... Хааяа нэг цахилгаан цахих мэт, унадаг дугуйны салхи сэвсхийх мэт зэрвэсхээн баясал жаргал тохионо. Тэр л өчүүхэн баяр хөөрийн төлөө, үе үехэн инээж чадмаар болдогийнхоо төлөө л бид хүлээцтэйгээр зовж явдаг. Амьдралын үнэ нь ердөө л, жинхэнээсээ инээж чадах тэр зурвасхан мөчүүд. Бусад бүх хүн адилхан. Цөмөөрөө өрөвдөлтэй, цөмөөрөө л зовлонтой, гэвч горь найдлага тасрахгүй.”
― Г. Аюурзана, Дурлал зохион бүтээгч

“Бие биедээ уусчихвал, хэн хэнд маань миний гэх зүйл үлдэх үү? Би өөрийгөө гээгээд, ерөөсөө би биш болчихвол... Би би биш, чи чи биш байвал, бидэнгүйгээр бидний амьдрал амьдрал мөн үү? Бид бид биш болбол, бидний хайр амьд байж чадах уу?”
― Г. Аюурзана, Дурлал зохион бүтээгч

“Чиний амьдрал бол ганцхан чамд л хамаатай зүйл. Тиймээс зогсоод ажиглах ёстой юм байна. Хожим нь чи өөрөө л дурсахгүй бол, бусад хүмүүс амьдралыг чинь чиний өмнөөс дурсана.”
― Г. Аюурзана, Дурлал зохион бүтээгч

“Хүмүүс гэдэг бол сүрэг. Нэг нь архирвал бүгд л бусдаасаа өрсөж чамайг зуухыг хичээнэ. Нэг нь найр тавьбал бас хэн ч түүнээс хоцрохгүйг бодно.”
― Г. Аюурзана, Дурлал зохион бүтээгч

“Амьдрал бол хэзээ ч дуусчихаж болох зүйл. Чамд үргэлж хангалттай цаг байгаа гэж найдах ямар ч шалтгаан үгүй.”
― Г. Аюурзана, Дурлал зохион бүтээгч