Lila ang Kulay ng Pamamaalam Quotes

“Minsan, hindi tayo makakagawa ng magandang alaala kung walang lungkot, takot, sakit. Kahit nga sa pagsulat ng mga masasayang bagay, nangangailangan din ng karanasan ng lungkot. Pa'no ka magsusulat tungkol sa kaligayahan kung hindi mo alam at naranasan ang lungkot? Pa'no ka makukuwento ng kamatayan kung hindi mo alam ang kahulugan ng buhay? (p. 178)”
― RM Topacio-Aplaon, Lila ang Kulay ng Pamamaalam

“Ang kamatayan ay hindi isang ritwal kundi isang tulay papunta sa pinili mong buhay (p. 341).”
― RM Topacio-Aplaon, Lila ang Kulay ng Pamamaalam

“Pero parang hanggang doon na lang, parang isang madamdaming nobela na nawawala ang esensiya isa o dalawang taon matapos mo itong mabasa. (p. 299)”
― RM Topacio-Aplaon, Lila ang Kulay ng Pamamaalam

“Pangarap, ikaw pa rin ang kahulugan ko ng salitang ito.”
― RM Topacio-Aplaon, Lila ang Kulay ng Pamamaalam

“Ang bayag - o cojones - daw hindi masusukat sa dami ng kaibigang handang makipag-basag ulo para sa 'yo kundi sa kakayanan ng isang taong harapin ang isang bagay kahit pa alam niyang walang handang sumalo sa likod niya kung sakaling magkamali o magapi siya. (p. 142)”
― RM Topacio-Aplaon, Lila ang Kulay ng Pamamaalam

“Ilan sa magagandang bagay dito sa mundo, nalilikha mula sa kalungkutan, takot, at pagdaramdam. (p. 186)”
― RM Topacio-Aplaon, Lila ang Kulay ng Pamamaalam