Չարենց Ընտիր երկեր Ա Quotes

“Գիշերը հոգնած նստել սենյակում,
Նայել շորերիդ ծալքերին լուսե,
Ու լույսը լամպի տխրությամբ անհուն
Գուրգուրե հոգուս հոգնությունը սև:”
― Եղիշե Չարենց, Չարենց Ընտիր երկեր Ա

“Ես հավատում եմ հասկի շշուկին, խոսքին-
Երբ հագել ես արևի թափանցիկ ոսկին։”
― Եղիշե Չարենց, Չարենց Ընտիր երկեր Ա

“Դուք,
որ ունեք արյան տեղ- մեզ
ու խլինք- խելքի փոխարեն։”
― Եղիշե Չարենց, Չարենց Ընտիր երկեր Ա

“Վերադարձը դարձ չէ այլևս և ո՛չ էլ կրկնությունը հնի,
Քո անցած ամե՛ն մի ճամփին ասա՝ սա ուրի՛շ է արդեն։”
― Եղիշե Չարենց, Չարենց Ընտիր երկեր Ա

“Տեսե՞լ եք
Դուք
Երբևէ
Աչքերով ձեր կույր, անոթի-
Ոսկեզօծ զուռնան արևի՝
Կախված ամառվա զենիթից...”
― Եղիշե Չարենց, Չարենց Ընտիր երկեր Ա

“Ո՞վ գիտի, սի՛րտ, ուղին քո մութ
Ու խորհուրդները քո խավար.
- Սի՛րտ իմ, անհաս կյանքի խորհուրդ,
Սի՛րտ իմ խավար...”
― Եղիշե Չարենց, Չարենց Ընտիր երկեր Ա

“Բախչի միջի ծաղիկները ինչքան էլ լավ ջրով անես՝
Ծաղիկների ջուրը ուզած - առավոտվա շաղն է էլի։”
― Եղիշե Չարենց, Չարենց Ընտիր երկեր Ա

“Աղեքի հետ սեղան նստա, նոքարի հետ խմեցի՝
Մարդու ասած խոսքերի մեջ արդար կշիռք չտեսա։”
― Եղիշե Չարենց, Չարենց Ընտիր երկեր Ա

“Ամռան անուշ, հուրհրատող տո՛թ ես, ջան,—
Նախշուն՝ նռան ու նարնջի հո՛տ ես, ջան,
Երբ խստադեմ ի՛նձ ես նայում դու հանկարծ —
Ասես սրտիս մահվան դաժան բո՛թ ես, ջան...”
― Եղիշե Չարենց, Չարենց Ընտիր երկեր Ա

“Ինչքան որ հուր կա իմ սրտում - բոլորը քեզ.
Ինչքան կրակ ու վառ խնդում - բոլորը քեզ.-
Բոլո՜րը տամ ու նվիրեմ, ինձ ո՛չ մի հուր թող չմնա՝
Դո՜ւ չմրսես ձմռան ցրտում,- բոլո՜րը քեզ...”
― Եղիշե Չարենց, Չարենց Ընտիր երկեր Ա

“Միայն մի անծայր ու խոր տխրություն
Երբ փռում է իր թևն ամենուրեք -
Զգում ենք հանկարծ կարոտով անհուն,
Որ մեկը անդարձ անցել է երեկ:”
― Եղիշե Չարենց, Չարենց Ընտիր երկեր Ա

“Աշխարհը մե բաղ է, գոզալ,— նստել ես դու բաղի մեջը,
Վարդ ես բացված՝ առավոտվա դրախտային շաղի մեջը...
Ժամ ես դարձել տեսքով քո սուրբ՝ Հավլաբարի թաղի մեջը—
Սրտիս անուշ արտասուքին երկնային շա՛ղ պիտի ասե՛մ։”
― Եղիշե Չարենց, Չարենց Ընտիր երկեր Ա

“Արդյոք ո՞ր վարպետը մեծ
Հորինել է դեմքը Ձեր.
Արդյոք ո՞ր Ոոգին տվեց,
Ձեր դեմքին լուսե գծեր:
Կուզեի երգեր կապել
Եվ գովել երգով անծիր
Էմալե պրոֆիլը Ձեր,
Ձեր հակինթ աչքերը բիլ:”
― Եղիշե Չարենց, Չարենց Ընտիր երկեր Ա

“Ամեն տագնապ ու հոգս թողած երկրի հողին՝
Քայլի՜ր, քայլի՜ր անվերջ կարոտներիդ ուղին.
Մի կարոտ է հոգիդ, հեռու աստղի մի փայլ-
Քայլի՜ր, քայլի՜ր անվերջ, հավերժասեր եղբայր...”
― Եղիշե Չարենց, Չարենց Ընտիր երկեր Ա

“Հոգնություն էր իջել նրա հոգու վրա,
Ու թվում էր նրան, որ քայլել է մի դար...”
― Եղիշե Չարենց, Չարենց Ընտիր երկեր Ա

“Ես ուզեցի երգել գովքը աստծու,
Երգել փառքը պայծառ սիրո ու հացի.
Սիրտս լցվեց... բայց չգիտեմ, թե ինչու-
Գորշ օրերի տաղտկությունը երգեցի։”
― Եղիշե Չարենց, Չարենց Ընտիր երկեր Ա

“Անցնում են, հոսում օրերը անծայր:
Ճամփորդների պես գնում են հեռու:
Հիշում եմ միայն, որ մի օր անցար
Օրերիս նման — ու ետ չես գալու:”
― Եղիշե Չարենց, Չարենց Ընտիր երկեր Ա

“Հիմա շատ են երգիչները - հոգու ուզած տաղը չկա,
Ամենայն տեղ խնդություն է՝ սրտի ուզած խաղը չկա,
Ուր ոտ կոխես - բաղ է հիմի, շահնշահի բաղը չկա,
Ման եմ գալիս քուչա-քուչա - սիրեկանի թաղը չկա։”
― Եղիշե Չարենց, Չարենց Ընտիր երկեր Ա

“Վա՛յ
Ձեզ,
Վա՛յ բոլորիդ...
Ձեզ, որ գուրգուրում եք ձեր սիրտը սև:
Ինչ շահ ձեր գանգի դհոլին
Երգերից իմ՝ լույս ու լուսե...”
― Եղիշե Չարենց, Չարենց Ընտիր երկեր Ա