سيلفي Quotes

“خُدها قاعدة:
أي واحد جاب فراشة م الجنينة و حطها ف البرطمان
ثم فكر إنه بيحافظ عليها،،،
ذنبه فيها
دمها الألوان هيفضل شيء يطارده
أصل برضه\ مش طريقة عشان يصونها!
هو ممكن عجبه لونها
قال يجيبها تموت قصاده بالبطئ
و امّا ماتت هو عيّط
و الجميع حسوه برئ
شالها بإيديه ثم خدها
للهوا و رماها تاني
نزلت الألوان بتنزف
برتقاني ع الطريق!”
― عمرو حسن, سيلفي

“- اعمل ايه لو توحشيني؟
- انسى و اعرف واحدة تانية
- بس انا شايلك ف عيني
- حظنا نبعد، دي دنيا!
- انتي قصدك تقتليني
- انت ميت كل ثانية”
― عمرو حسن, سيلفي

“قصة الحب الكبيرة
صورك السيلفي الأخيرة،،
اتصال بالليل يضايقك
تزعلوا\تفضّوها سيرة
انت طيب
بس غامض
هي عاوزة حاجات كتيرة
و انت ايه غير" سُكْر بيّن"
من حياة مَنطِقها بيرة!
شكل أوضتك
لون هدومك
ذكرياتك
نقطة الصفر ف حياتك
السياسة
و الأغاني
و الجوامع
الاضاءة الخافتة و المزيكا و انت،،
المحطات البعيدة
شنطة السفر اللي فيها ريحة الناس و الشوارع
جلدك اللي مسامه شايله
نقطة من عرق اللي راجع
الحياة رخمة و كئيبة
بس حلوة و ليها معنى
احنا باب ندخل ف نخرج
و الجميع شدّ و رزعنا
احنا بالفعل اتخدعنا!”
― عمرو حسن, سيلفي

“تعرف تفرح؟
باعرف ماحزنش
تعرف تضحك؟
باعرف مابكيش
تعرف ترضى؟
باعرف ماندمش
تعرف تحكي؟
باعرف ما اداريش
مالك؟
خايف
ليه؟
مش عارف
مش عارف ايه؟
مش عارف أعيش”
― عمرو حسن, سيلفي

“كل اللي جاي قد كان
مكتوب بقاله زمان
حاصل زمان ف مكان يدينا ناتج كام!
يديكوا ذكرى و أمل أو عمر ضيعتوه
كل البشر ماريونت و ف الطريق العام
"ناس لما مشيت غلط قابلوا غريب حبّوه"
الحظ رد بارات و الصدفة حلوة و خام
ارتبطوا ساعة قدَر\سمّوا ابنهم "Dejavu"

الخدعة عايزة النظر، لكن توخى الحذر
المشهد الداخلي مش حلو كما برّاه
فيه حاجات إذا شوفتها بعنيك تقول الله
و إن غُصت فيه عمقها
تطلع بصمت رهيب
أينشتاين لم يكن
غير ترس في اليانصيب
و العدسة لو قرّبت
ممكن نيشانها يخيب”
― عمرو حسن, سيلفي