محاضرتين وكوباية شاي Quotes

“الممتع في هذا الكتاب أو اليوميات أو الخواطر أو ( اطلق عليها ما شئت وخلصني ) إنها بتعرض حياة بني آدم زي حالاتي وحالاتك كان بيتصرف وبيفكر بطريقة معينة وفجأة بعد إما خلَص فصل مهم من حياته ووصل للنهاية رجع يبص لحياته بمنظور تاني أو عمل Flash Back ولقي نفسه بيراجع نفسه علي أفعال أو أقوال قالها وندم عليها أو حس إنه غلط إنه عملها وبيحاسب نفسه أو حتي لقي أفعال كان فخور بيها..
أنا شخص بيحب يحتفظ بذكرياته مش علشان اعيش على أطلال الماضي بالعكس يمكن علشان أبص للمستقبل وأنا عندي جذور وأصول انطلق منها”
― سارة فوزي, محاضرتين وكوباية شاي

“يمكن الأيام تمر عليك وتحس إنها كلها شبه بعض بس صدقني أنت غلطان ارجع بذاكرتك لحاجة إنت عملتها من أسبوع أو اكتر وبص لها دلوقتي هتلاقي نفسك اتغيرت تماما ..هكذا حالي وحال الجميع.. مفيش يوم شبه التاني فيه شخص مش عارف يميز بين الأيام وبيمثل إنه عايش قدام الناس ومش عارف يعيش !!”
― سارة فوزي, محاضرتين وكوباية شاي

“بيقولوا بيكرهوها وزهقوا منها بس في قلوبهم وجواهم فيه حاجة بتشدهم للكلية دي إما بتجي سيرتها أو يعرفوا أخبار عنها .. يمكن ذكري سعيدة أو تعيسة ..يمكن حب قديم .. يمكن مليون حاجة كل واحد فينا بيحس إن إعلام قدرت تربطه بيها ..المهم إن إعلام ربطتنا برابطة خاصة ومش عارفين هي إيه بالظبط ؟!!!!!
كلنا بنمشي ودفعات غيرنا كتير بتجي ..وكل واحد ليه يوميات وذكريات مع الكلية اللي تستحق تبقى في مجلدات مش كتب بس !”
― سارة فوزي, محاضرتين وكوباية شاي

“أحلي حاجة إني اتعلمت إن فيه ناس ما يستحقوش صداقتك وفيه ناس ساعات بنندم إننا عرفناهم بس فيه ناس بنندم أكتر إننا مكناش نعرفهم قبل كده والناس بتروح وتجي بس اللي بيكمل معاك للآخر وبيستحملك هو ده الصديق الحقيقي”
― سارة فوزي, محاضرتين وكوباية شاي

“اترك الغيرة لمن يحب أن يعيش بين نيرانها”
― سارة فوزي, محاضرتين وكوباية شاي

“الموضوع في الجامعة مش مجرد محاضرتين بتحضرهم وكوباية شاي بتعدل دماغك وسط المحاضرات دي سنين وتجارب بتغير في عقلك واتجاهاتك وتفكيرك وقناعاتك وفي كل حاجة جواك ، الموضوع مش بيعدي بكوباية شاي ولا جردل نسكافيه.. الموضوع إنك بتكتسب أغلب الصفات اللي هتكبر جواك وهتفضل ملازماك في حياتك وهتأثر فيك للأبد وهيتوقف عليها قرارات كتيرة هتاخدها بعد كده...”
― سارة فوزي, محاضرتين وكوباية شاي

“ببساطة أنت اللي بتصنع نفسك مش اللي حواليك بيصنعوك”
― سارة فوزي, محاضرتين وكوباية شاي

“بتحبها ليه بقي؟؟
السؤال الوجودي الذي يطرحه كل طالب إعلام علي نفسه؟ ليه باحب الكلية دي مهما عملت فيا من مصايب وكوارث وبلاوي بكل الألوان والأشكال ؟؟؟!! ببساطة أحب اقول لك إما بتحب حد بتقبله بكل عيوبه ومميزاته وبكل صفاته أيا كانت و بتستحمله علشان بتحبه ؛ لأنهم بيقولوا إحنا "بنقع" في الحب تجاه من نحب لذا فهو وقوع أولا وأخيرا وإحنا بنقع واضغط علي " نقع دي " في حب كلية إعلام بل ونقع في فخها وكمينها ؟؟!!
إن علاقتي بكلية إعلام هي علاقة زواج ورباط مقدس لن ينفصم بمجرد تخرجي منها بل هي علاقة أبدية وخالدة بس محدش يقول يمكنك تقبيل العروس ؟؟!!”
― سارة فوزي, محاضرتين وكوباية شاي