عندك حكي Quotes

“حسيت إنو عُمُرْ
من عُمري انسرق”
― مريم خريباني, عندك حكي

“وقَّف ع بابي
وما حكي
شو رجّعو!؟
صارلي شهور
مابحكي معو..
.
وقفنا سوا تنيناتنا
وقف الزعل بيناتنا
ودار البكي
ومنعرف الأسباب
لاقدرت إحكي معو
ولاإتركو عالباب..”
― مريم خريباني, عندك حكي

“عندك حكي!؟
قولو.. وروح
وسع المدى درب السفر
مفتوح..”
― مريم خريباني, عندك حكي

“بيطلع على بالي العتب
قبل الوقت مايفوت
ويفوت السبب..”
― مريم خريباني, عندك حكي

“رح ظل إحلم
ظلّ إتمرجح
بلكي بلاقي
بهالدني مطرح”
― مريم خريباني, عندك حكي

“بتقول مشتقلي!؟
هالشوق بعيونك حلو..
وبيصير أحلى
لما شوقك بيحكي
ويصير شي ضحكة
تـ يصير يلبقلي”
― مريم خريباني, عندك حكي

“أيّا طريق مشيت
تـ وصلت عاقلبي؟”
― مريم خريباني, عندك حكي

“صوتك..
يا نغمة عود
حلوة.. مدوزنة
رجع الصدى فتّح
عيوني عالدني”
― مريم خريباني, عندك حكي

“بقى الصدى
بحبّ الصدى مبحوح
تغفى ع همسو
حكايتي
وتوعى
ع صوتو الروح”
― مريم خريباني, عندك حكي