2 ضباط Quotes

“شهوة السلطة القاتلة لمن يمتلك المال، فما بالك بفساد من تأتى إليه الدنيا بالاثنين معًا: المال والسلطة !! ”
― Essam Youssef, 2 ضباط

“الكاتب ليس له اي قيمة بدون اصدقاءه القراء”
― Essam Youssef, 2 ضباط

“.. قاطع راغب صديقه اللواء هاشم الذي كان يسمع بتركيز وقال مبتسما:
-ما انتوا كلكم لسانكم طويل.. ابن مين بأه الظابط الصايع ده؟
ساعة كاملة، راغب يسأل وهاشم يجيب إلي ان اقترح عليه قائلا:
-انا لو منك اقابله.. ولوحده.. مش هاتخسر حاجة.. وكده كده لسه شوية لغاية ما بيري تتخرج.
-يا هاشم انت لسه قايلي الولد بتاع نسوان وسُكري.
اجاب صديقه مبتسما:
-الراجل ميبآش راجل غير لو كان بتاع نسوان يا راغب.. وبعدين انت بالذات متتكلمش في موضوع النسوان ده..
ضحك الصديقان بصوت عالي فعقبت أميرة وهي قادمة من بعيد:
-هو الولد تاريخه بيضحك ولا ايه؟ ها يا هاشم بيه، ايه رأيك في الموضوع؟
اجاب هاشم بجدية:
-أنا رأيي ان الجواز من ظابط زي ما له عيوب له مميزات..”
― Essam Youssef, 2 ضباط

“لم يهدأ بال راغب بعد هذا الحديث، دخل غرفة مكتبه، أغلق الباب ثم امسك هاتفه وأجري اتصالاً بأعز أصدقائه، اللواء هاشم الغرباوي، مساعد أول وزير الداخلية الذي أجاب بمنتهي الصراحة:
-مافيش ظابط مباحث مش صايع.. هما لازم يبقوا كده، انت بتسأل عنه ليه؟
-إنت مش غريب يا هاشم، الولد عايز يتقدم لبيري، بس أنا مش موافق.. أنا ما بحبش الظباط.
عقب هاشم ضاحكا:-ده علي أساس انك بتكلم فكهاني”
― Essam Youssef, 2 ضباط

“وفي الحمام انفجرت سحر بالبكاء وهي تنظر إلى نفسها في المرآة، امتزجت الدموع بالمياه وهي تغسل وجهها الشاحب..وسيطر عليها إحساس بالندم سائلة: هل كان لي أن أرفض؟”
― Essam Youssef, 2 ضباط

“.. بعد أن ناقش النقيب وليد القيادات فى خطة الاقتحام عاد إلى رجاله لكى يحدد المسئوليات ويوزع المهام على كل مجموعة.. بدأ حديثه بالتحفيز والتأهيل النفسى، راجع معهم الخطة ودور كل فرد بالتفصيل، ثم انهى حديثه بكلماته المعتادة:
• ما ينفعش نغلط، الغلطة بموته.. واللى مش قادر يكمل يرجع.. واضح؟! ربنا معانا يا رجاله.
المأموريات رجولة وقلب، التزام وطاعة، هدوء وثقة بالنفس أمام سرعة رد فعل وحكمة فى اتخاذ القرار.. تكمن المأساة فى أن مهرب المخدرات لن يتردد ثانية فى قتل الضابط والمجند أثناء المواجهة.. أما الضابط فهو فى لحظة دفاع عن النفس وعن الوطن أمام قلب بلا ضمير..”
― Essam Youssef, 2 ضباط

“سألها الرائد شريف عن حفلة الليلة, وقبل أن ترد فاجأها باقتراحه قائلا:
"لأ .. احنا بقي نكمل كلامنا في البيت"
انزعجت سحر قائلة:
"بيت ايه؟"
"أي بيت"
"يعني ايه؟"
أجاب شريف بمنتهي العجرفة:
"دلوقتي, انتي عندك اختيار من اتنين.. يا تركبي العربية الكحلي دي (وأشار الي سيارته البيجو الجديدة), يا تركبي العربية الكحلي اللي هناك (مشيرا الي بوكس الشرطة)..”
― عصام يوسف, 2 ضباط

“أبدى عاطف رأيه وشعوره بمنتهي الصراحة تجاه ضباط الشرطة قائلا:
"يا أخي أنا عمري ماحبتكم معرفش ليه"
أجاب وليد بهدوئه المعتاد:
"عشان مبتشفوناش غير في المشاكل, يعني لو سعادتك رايح تشتري عربية مرسيدس جديدة بنص مليون جنيه هتبقي حاسس بإيه؟"
"هبقى مبسوط جدًا"
"طيب لو وقعت بالعربية دي في مطب والمساعد اتكسر، هتبقي حاسس بإيه؟"
"هبقى متضايق جدًا"
"هي دي المشكلة، الناس مبتروحش القسم غير لما المساعد يتكسر وبتبقى عايز أنا نصلحه، بغض النظر هما صح ولا غلط”
― عصام يوسف, 2 ضباط