على هامش كل اللي فات Quotes

“ضرب الودع
مكشفش ليك
غير ليل طويل
وغيوم كتير متمكنه
كفين وجع بيغموا فيك
صوت احتضار الأمكنة”
― أحمد زهران, على هامش كل اللي فات : سِنْدروُم

“عذاب القصيدة ف كلامنا حبسنا
تعيش القصايد إذا ما لمسنا
ملامح ما بينها وبين الحبيبه”
― أحمد زهران, على هامش كل اللي فات : سِنْدروُم

“أصبحت مؤمن بالحقيقة المطلقة
كل اللي عاشوا في الحياة دي
مش كتير
أصبحت مؤمن إنها نقطة كمين
واقفين طابور كل البشر
علشان تواصل في الطريق
وتعدي تفتيشها بحذر
محتاج يكون قلبك سليم”
― أحمد زهران, على هامش كل اللي فات : سِنْدروُم

“يا نااس عاقله
وتعبانه
براح القلب
لخصتوه
في زنزانه
معدش براح”
― أحمد زهران, على هامش كل اللي فات : سِنْدروُم

“إلتقينا..
عند أول دمعه في عيون السحاب
وافترقنا
عن أول لمسها للأرض”
― أحمد زهران, على هامش كل اللي فات : سِنْدروُم

“سابق خطاوي
دمعتك
أمبولة البنج الهمام
خلصت خلاص
ومعدش همك لو تزيد
طب إيه يفيد
مليون طبيب فوق الطبيب
معرفش إيه أصل الوجع
أصل الوجع مش في الوريد”
― أحمد زهران, على هامش كل اللي فات : سِنْدروُم