س 28 Quotes

“لو يطول الليل في قلبك و انتظارك ليها زاد
و انشغالك غصب عنك حط قلبك في المزاد
و انكسارك جوة حلمك
داب في بحر من الفساد
هاتناديها و هي دايماً هاتلاقيها في المعاد”
― مايكل عادل, س 28

“مطلوب اكون حاجه
و انا نفسي أبقى حاجات
و الدنيا محتاجه
لقرود و بهلوانات
تعرف تنُط لفوق
تسرق بكُل الذوق
تقتل قتيل, و يفوق
و قلوب بلا دقّات
اللعبه فيها الدور
يفرق كتير لو فات
و ان جبت هاي سكور
راح تتغِلِب أوقات
في المستوى الأصعب
إلعب كتير و اتعب
أصل الحياه ملعب
و اللعب فيه ليفيلات”
― مايكل عادل, س 28

“كُل أحبابها الليلادي
جابوا مَهر و دبلتين
و العروسة لمين تنادي ؟
إلا للشعب الحزين
اللي ياما .. يا بلادي
دمه يسبق بالحنين
و الحنين فى العين محبّة
و المحبّة مش كلام
و الكلام عنّك يا شابة
بالمودّة و الوئام
باقية زهرة للبلاد
باقية أم لكل واد
من ولادي .. لو ينادي
هايلاقيكي في المَعاد”
― مايكل عادل, س 28

“مش كُل من قال دين
الناس تقولّه آمين”
― مايكل عادل, س 28

“و هقولك إيه يا سعادة البيه ؟
ماعرفش هاودّي جمايلك فين ؟
هدّيت الوطن اللي حيلتنا
خلّيتنا يتامى و أهالينا عايشين أموات
خلّيتنا بنتلام ع الطلبات
اللي بدونها الانسان
حيوان”
― مايكل عادل, س 28

“أنا عُمري ما شفت اللي قتلني
أنا حافظ بس الوش الحلو اللي شايلني
و الكف اللي بيرعش تحتي
و الحِس اللي بيهتف سامعه
قاللي شهادتين”
― مايكل عادل, س 28

“إسمه عايش في البطاقة
إسمه في قلوبنا الشهيد”
― مايكل عادل, س 28

“المجد للباقي ع العهود و الجي ، المجد للشاهد و للمشهود من الشُهدا ، المجد للثابت علي المبدأ و ع الكلمة ، المجد لكل شهيد لسه ماماتش”
― مايكل عادل, س 28

“الشر
بينصُر أصحابه في جولة أو اتنين
و انا ميّت من أول جولة
لكنّك هتقابل غيري ملايين تانيين
بيحبّوا الموت
على قد ما بتحب الكُرسي”
― مايكل عادل, س 28

“مجنون
بيقولوا ساعات عنّي
ملعون
في دفاترك يا حكومة
بَكره تأخيرك
يا تأنّـي
و بلادي بعواجيز محكومة
بس انا إنسان
و الظابط عن إسمي سألني
قولتله زعلان”
― مايكل عادل, س 28

“وأنا بعشق فيكي الكل كمان
ياليالي طويلة وويل أحزان
لو فاتني البر الاقيكي أمان
ومكان وزمان ونعيم أوطان
وإن هُنت عليكي تهون الروح
..وحياة العين”
― مايكل عادل, س 28

“كام ألف كلمة مات على شاب من سنك ؟؟ و انت و إكمنك إعتدت ع الأشلاء مابقيتش تتفاجئ !!!”
― مايكل عادل, س 28

“انا تحت رجول العالم
متداس و بألف مداس
انا فوق الكُل بقـلبي
بــآدانك و القـداس”
― مايكل عادل, س 28

“انا خايف
أكتر منك
تتسحلي ف هيبة سنّك
و يشاوروا عليكي إكمنّك
كان ليكى حقوق إنسان
و انا مهما أسب و ألعم
انا إبنك في الأوراق
على كام فرعون بتفرعن
و من الهلفوت بتساق
انا لوني مغرّق إيدك
لون احمر زي وريدك
انا عبدك أيوة و سيدك
و بدون ذكر الأسماء”
― مايكل عادل, س 28

“كان صاحبى
بكيت من قلبى كتير
على صورته ف ذكرى استشهاده
لو طوّل ف الدنيا دي يومين
انا كُنت بقيت عَم ولاده”
― مايكل عادل, س 28

“الناس الساكنة في الميادين مالهاش أوطان
و أهه جاية تشتري أوطانها المسلوبة زمان
بدماها
و نفسها أولادها تسكن في مكان
مافيهوش اللوم ع المجني عليه
مافيهوش اليوم يتباع بجنيه
مافيهوش أحزان
... يا سعادة البيه”
― مايكل عادل, س 28

“المجد للباقى ع العهود و الجى, المجد للشاهد و المشهود من الشهدا, المجد للثابت على المبداّ و ع الكلمة, المجد لكل شهيد لسة ماماتش ..”
― مايكل عادل, س 28

“ياللي اشتروا بدمانا السُلطة
ياللي ابتدوا بجراحنا الحُكم
ياللى سرقتوا الفرحة بغلطة
ياللي رميت في العسل السم
إعرف ان الضربة الجايّة
أكبر م الضربة الجويّة
ياللي حَبَست حَمام الغيّة
عُمرك ما هاتحبس في الحِلم”
― مايكل عادل, س 28