بتضحك لما اكون غايب Quotes

“عود الكبريت اللى مابيولعش ..
ارميه
والبنت اللى مابتدمعش..
سيبها.”
― أحمد عطا الله, بتضحك لما اكون غايب

“الحزن صاحب جميل
بيونس الوحدة
فـ لـيل طويل وعنيد
بيفكروا في فكرة
السهرة تحلى ..بواحد شاي
وذكريات عدت”
― أحمد عطا الله, بتضحك لما اكون غايب

“نحن ابناءك
اللي ساكنين نمرة 1
جنب بحرك والمحيط
نحن آخر النيل ..عـ اليمين وأنت طالع
احنا اللي بنزور الكنايس والجوامع
إحنا اللي بنقيد الشموع
و إحنا الدموع..
في الضلمة والنوم عـ الرصيف

و إحنا اللي بنبات حلمانين
بأي حاجة في حتة رغيف”
― أحمد عطا الله, بتضحك لما اكون غايب

“بينطفي العمر فجأة
و بيندفن تحت التراب
ميت..بيستني الحساب
وسؤال جواب
درجات لأعمال السنة
وآدى الكتاب
فريق الجنة يجي عـ اليمين
فريق النار هنا عـ الشمال”
― أحمد عطا الله, بتضحك لما اكون غايب

“فيه ناس كتير شايفه أن الحياة في طريق
لو عرفوا أن الطرق.. ملايين
ماحسوا لحظة أن الحياة بتضيق.”
― أحمد عطا الله, بتضحك لما اكون غايب

“صباح الخير
يا كل الذكريات المتنتورة في قلبي
يا صوت الخوف ،ولحظات الونس واليأس
يازرعه في غيط أخضر بيتعافى
صباح الخير يا بت الناس
دخلتي إزاي وأنا خارج؟
دانا حتى ورايا ميعاد”
― أحمد عطا الله, بتضحك لما اكون غايب

“لحظة ميلاد الأرض للعفاريت
عيال تشخبط وترسم سلالم في الهوا
تطلع عليها للسما
تطلع تجيب الشمس من شعرها
وفـ عز الضهر قدام البشر
حدفوا القمر من فوق

ويفوق على غناهم وطن نعسان
" الجدع جدع ..والجبان جبان
وأنت يا جدع خليك فـ الميدان”
― أحمد عطا الله, بتضحك لما اكون غايب

“ظهورك فجأة قدامى ..
-ولو قولتيلى مش مقصود ،ومش وارد-
بيربكنى
موسيقى الـ "روك " طالعالي
بتجري ورايا من صورك
وعود مجروح بيسمعني ..
وأنا تايه ومتلخبط من الداخل
بـ أدور عـ اللي جوايا ..ومش بلاقيهبـ اقولك إيه ..من الآخر
تتوهي معاي؟.”
― أحمد عطا الله, بتضحك لما اكون غايب