Od adamların nəğməsi Quotes

“Gecikənlər həmişə mövcud vəziyyətlə razılaşmalıdı.”
― Fuad Isayev, Od adamların nəğməsi

“Xalça sıx vurulmuş ilmələrdən ibarət olur.
Zaman da xalçaya bənzərdir, yalnız bu xalçaya salınmış ilmələr illərdən əmələ gəlib. Onun adi xalçalardan digər bir fərqi də nəhayətsizliyidir; ilmələri harada başlayır, harada bitir, bilən bir kəs tapılmaz.”
― Fuad Isayev, Od adamların nəğməsi

“Külək hələ də addımlığındadı. Mümkündü ki, o da sığınmağa yer axtarır, yaxud sənin dalınca düşərək nəsə deməyə çalışır. Sən isə onu nə dinləyir, nə görmək istəyirsən, çöldə qoyub qapını bərk bağlayırsan. O da üşüyə-üşüyə elə hey qapını döyür.”
― Fuad Isayev, Od adamların nəğməsi

“Mən də vuruşmuşam."
"Vuruşana oxşamırsan."
"Vuruşanların heç biri oxşamır.”
― Fuad Isayev, Od adamların nəğməsi

“Qış çıxan kimi özünü yetirən bahar savaşdan yorulmuş ağaclara parlaq, qara yarpaqlar tikmişdi. Bəziləri elə yanmışdı ki, bahar onlara nəzər yetirəndə köməyə gecikdiyini başa düşüb süstləşmişdi.”
― Fuad Isayev, Od adamların nəğməsi

“Belə bir zülmətdə həm təskinlik, həm iztirab axtarışına çıxmaq olardı.”
― Fuad Isayev, Od adamların nəğməsi

“İnsanların ömrü bənzərdir – hər biri öz solğunluğunu gizlətməyə çalışır.”
― Fuad Isayev, Od adamların nəğməsi

“...Bu cür axşamların sayı artanda kədər adiləşir, kədər adiləşəndə isə yetkinlər əmələ gəlir.”
― Fuad Isayev, Od adamların nəğməsi

“Şüşəni salıb soyuğu udmağa başlayırsan. Lap ləzzət eləyir. Fikirlər gözlərinə gəldikcə küləyi də görmək istəyirsən və bir an bir mətləb sənə aydın olur:
Gündəlik duyduğun bu kədər sənin üçün adiləşib.”
― Fuad Isayev, Od adamların nəğməsi

“...pəncərələri açdı ki, yağışın səsi evi dolaşsın, özünü tək hiss eləməsin.”
― Fuad Isayev, Od adamların nəğməsi

“İnsanların ömrü soyuq binalarda dəyişməz şəkildə ötür.”
― Fuad Isayev, Od adamların nəğməsi

“Günahlandırmaq və inandırmaq asandır.”
― Fuad Isayev, Od adamların nəğməsi

“Yağış əbədiyyətə qədər yağmaq istəyirdi: Hər kəs canını təhvil verəndən sonrakı vaxtlarda da yağacaqdı. O nə vaxtsa bu taksini və digər bütün boş taksiləri şəhərin bir bucağında dayanan yerdə tutub nəm barmaqları ilə boyasını soyacaq, metal gövdəsini deşib salonunu dağıdacaq.”
― Fuad Isayev, Od adamların nəğməsi

“Hər kəs özüylə məşğul, hamı dinməzliyə vurğun idi.”
― Fuad Isayev, Od adamların nəğməsi

“Elə bil hansısa əlamətdar hadisəni qeyd etmək üçün süfrə salırdılar və guya dünyanın axırı deyildi.”
― Fuad Isayev, Od adamların nəğməsi

“İllər adamı ya elə hala salır ki, daha heç nəyi duymursan, ya da ki öldürür.”
― Fuad Isayev, Od adamların nəğməsi

“...arxanca gələn bu külək də bir vaxtlar isti imiş, qaçdıqca soyuyub və indi qızışa bilməyir və onu başa düşən heç kimi tapmadan bu şəhəri dolanır.”
― Fuad Isayev, Od adamların nəğməsi

“Adam çox yaşayanda qorxağa çevrilir, gülməyə də qorxursan ki, əlindən alarlar.”
― Fuad Isayev, Od adamların nəğməsi

“Bu oğlanı müharibə yedirib böyüdərək bir daha boya-başa çatdırıb və təzə bir adam qayırıb. Onun valideynləri müharibədir.”
― Fuad Isayev, Od adamların nəğməsi

“Yağış yolu eşib dağıdırdı. Ola bilsin, torpaqda nəyisə axtarır, yaxud kimisə basdırmaq üçün çuxur qazırdı.”
― Fuad Isayev, Od adamların nəğməsi