يا مصر هانت وبانت Quotes

“يا شعب ياللي دفع تمن الشوارع دم
احفظ اسامي اللي ماتوا في الشوارع صم”
― تميم البرغوثي, يا مصر هانت وبانت

“لما تشوف الشهيد تبقى السلامة خجل
وتبقى عايز تقول له يا أخى آسف
طب قول لى بس اعمل ايه، لو يعنى فيها عمل”
― تميم البرغوثي, يا مصر هانت وبانت

“فيه حاجة بتخلي السجين المُستكين في كل حين أشطر من السجّان
فيه حاجة بتخلّي القوي عيل قوي و بيتلوي من نكتة الغلبان”
― تميم البرغوثي, يا مصر هانت وبانت

“فليحذر السلطان زحف الغابة
و الورد إذ يستأنس الدبابة
داب الحديد من لمسته دوبان”
― تميم البرغوثي, يا مصر هانت وبانت

“يا شعب مصر تعالى نتفق يا شقيق
رج الملك قبل ما تنعم عليه بلقبه
رجه كده شوفه ان كان الملك شغال
واسأل عليه المكوجي واسأل عليه البقال
واهم حاجة في صفاته انه يكون يتشال
متربي عال لما يمشي يلتزم ادبه”
― تميم البرغوثي, يا مصر هانت وبانت

“اعلم يا هذا الجيل ان الوطن بشره
لو مصر مالهاش نيل كان شعبها حفره
مش وصلوا بحرين وبنوا جبال اتنين
وف ظرف أسبوعين على خوفهم انتصروا
والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره”
― تميم البرغوثي, يا مصر هانت وبانت

“مطر وطالع يقول لربه
الامهات اللي في مصر ربوا
ويا بنات مصر قوموا حبوا
اجمل ما في الراجل الكرامة”
― تميم البرغوثي, يا مصر هانت وبانت

“يا متحصّن في الأبواب
اسمع كلمة و فصل خطاب
من مفتاح مزنوق في الباب
إنت أقوى منّا صحيح
و عملنا هيروح في الريح
بس الريح يابو مخ صفيح
راح تدخل من غير مفاتيح”
― تميم البرغوثي, يا مصر هانت وبانت