டாலர் தேசம் [Dollar Dhesam] Quotes

“அமெரிக்கப் பண்ணைகளின் விளைச்சலுக்கு அடிமைகளின் வியர்வை மட்டுமல்ல; ரத்தமும் உரமாகியிருக்கிறது. ரத்தம் சொட்டச்சொட்ட வேலை பார்க்க நேர்ந்த தமது சக அடிமைகள் குறித்து டக்ளஸ் விவரிக்கும் இடங்கள் எப்பேற்பட்டக் கல் மனத்தையும் உடைத்து சுக்குநூறாக்கிவிடக்கூடியது.”
― Pa Raghavan, Dollar Desam

“ஆரம்பக் காலத்தில் அவர்கள் கஷ்டத்தால் விரக்தியடைந்திருந்தார்கள். இப்போது காட்சிப் பொருளாகி விரக்தியடைந்திருக்கிறார்கள். ஆயிரம் சொன்னாலும் இதுதான் அமெரிக்காவின் மிக முக்கியமான அவமானச் சின்னம்”
― Pa Raghavan, Dollar Desam

“நவீன அமெரிக்காவை உருவாக்கிய சிற்பிகளுள் ஒருவரான பெஞ்சமின் ஃப்ராங்க்ளின் இப்படிச் சொன்னார்: ‘பிரிட்டிஷ்காரர்கள், மன்னரின் ரசிகராக இருக்கிறார்கள். அமெரிக்கர்களோ அதிபரின் சக ஊழியர்களாக இருக்கிறார்கள்.”
― Pa Raghavan, Dollar Desam

“இங்கிலாந்திடம் வலிமை இருந்தது என்றால், அமெரிக்க வீரர்களிடம் தேசப்பற்றும் விடாமுயற்சியும் இருந்தது.”
― Pa Raghavan, Dollar Desam

“சரித்திரம் என்பது விஞ்ஞானமோ, கணிதமோ இல்லை. இதில் தீர்வுகள் சாத்தியமில்லை. உள்ளதை உள்ளபடி எடுத்துக்காட்டுவதே ஒரு நேர்மையான சரித்திர நூலின் ஆகப்பெரிய நோக்கமாக இருக்கமுடியும்”
― Pa Raghavan, Dollar Desam

“ஒவ்வொரு தேசத்தின் சரித்திரத்திலும் கோடிக்கணக்கான வலிகள் மிகுந்திருக்கின்றன. போராட்டங்களில் பல நூறு வருஷங்களை மக்கள் கழித்திருக்கிறார்கள். சோறுக்கும் நீருக்கும் வேலைக்கும் - மேலான நிம்மதிக்கும் எத்தனையோ பாடுகள் பட்டிருக்கிறார்கள். இதனிடையே சூழ்ச்சிகளும் அரசியல் காய் நகர்த்தல்களும் யுத்த முஸ்தீபுகளும் ஒரு பக்கம். மண்ணாசைதான் காரணம் என்றில்லை. பிறரை அச்சுறுத்திக்கொண்டிருப்பதனாலேயே வாழ்ந்துகொண்டிருக்கிறோம் என்கிற மனநோயும் ஒரு காரணம்.”
― Pa Raghavan, Dollar Desam

“அவர்”
― Pa. Raghavan, Dollar Desam