حزب الكنبة Quotes

“احنا اللى شفنا مصر ونصها بيلعن تخلفها وبيحلم بأميركا، والنص التانى بيلعن فجورها وبيحلم بالسعودية. أنا من جيل كل واحد عايش فى عالمه الخاص المنعزل ولا يجمعنا الا الشارع الذى كرهناه، والضجيج الذى سأمناه، وأما الوطن فأصبح مرهوناً بقدم أبو تريكة فى آخر عشر دقائق فى المباراة”
― عزت أمين, حزب الكنبة: رحلتي من الكنبة إلى الميدان

“أسئلة بتزن
-اذا كانوا بيقولوا اللى هرب المساجين هم أهاليهم، طب ليه مافيش سجن نسا وتحد أتفتح
-لماذا قام العبقرى حبيب العادلى بقطع الانترنت والموبايلات مع ترك التليفون الأرضى يعمل؟
-ما هو شعور أى ساكن فى ميدان التحرير وغير مؤيد للثورة؟”
― عزت أمين, حزب الكنبة: رحلتي من الكنبة إلى الميدان

“كمل..اللى وقفك قدام جيش العادلى قادر يوقفك قدام كلام الناس المُحبط
انشف ثورجى كدة
لو كلام الناس بيوجع..والرصاص كمان بيوجع
لو خسرت أصحابك ..فيه ناس فقدوا أرواحهم
لو خسرت زمايلك فى الشغل...فبه ناس فقدت شغلها أصلاً
لو فقد الثقة بنفسك..تبقى الثورة ضاعت
والحلم راح”
― عزت أمين, حزب الكنبة: رحلتي من الكنبة إلى الميدان

“أنا: سلامو عليكم يا حاج..ماتعرفش المظاهرة فين؟
الحاج: مظاهرة أيه؟
أنا: المظاهرة يا حاج بتاعة كفاية جمال ويسقط العادلى والكلام دة
الحاج: مش عارف، بس روح عند أبو طارق بتاع الكشرى واسأل هناك”
― عزت أمين, حزب الكنبة: رحلتي من الكنبة إلى الميدان