Comedia bífida Quotes

“As linguas son froito da diversidade, un antídoto contra o pensamento único, contra a globalización, contra a uniformidade que cada vez está impoñéndose con máis forza. Unha mostra marabillosa de que cada comunidade interpreta e transmite a súa concepción do mundo dunha forma orixinal e única. Son unha riqueza. Cómpre ser moi miope para non velo así.”
― Manuel Núñez Singala, Comedia bífida

“ARCANXO
(Moi profesional.) Gustaríame facerlle ver ao xurado que o feito de que o acusado non abandonase nunca o país non invalida o seu argumento: máis aló de Pedrafita o galego non se usa, e polo tanto resulta inútil.
LUCI
Quizais o xurado deba reflexionar sobre o feito de que todas as linguas teñen fronteiras, unhas máis amplas e outras menos, pero non hai polo de agora unha lingua universal. Segundo ese argumento todas as linguas son inútiles.”
― Manuel Núñez Singala, Comedia bífida