Скакулци Quotes

“Осамените во болката секогаш бараат помош од осамените во животот.”
― Петре М. Андреевски, Скакулци

“Пред тоа младите тргнаа по разни училишта. Со торбиња сув леб, со веленциња преку рамо тргнаа да се запишуваат по училишта. Најмногу одеа за даскали. Оти светот беше слеп, требаше да прогледа, да си го види патот што го тепа. И одеа за бравари, за молери и за палири. Оти претстоеше големата изградба на бескласно општество, големата преобразба на светот. Не беше така?
- Беше и така, беше и инаку.”
― Петре М. Андреевски, Скакулци

“Во која вера да верувам, во која да не верувам. Кај што верата е една, луѓето се различни. Или луѓето се исти, а верата им е различна. Ништо за сигурно. Не верувај им на оние што те фалат. Никој не те фали ако не му требаш. Дури ни пријателот.”
― Петре М. Андреевски, Скакулци

“На вљубените им е најголема упорноста. Нема место кај што не можат да стигнат, да не се најдат.”
― Петре М. Андреевски, Скакулци