مشوار لحد الحيطة Quotes

“دايما بلحق نفسى على اخر سلالم الانتحار
وتفضل مشكلتى الحقيقية فى رجوعى للارض بسلام
لا عمرى انتحرت
ولا عارف اعيش !”
― عمر طاهر, مشوار لحد الحيطة

“محاولتش مره تسال نفسك فى ايه ؟ او تسييب نفسك فتلقاها !”
― عمر طاهر, مشوار لحد الحيطة

“السعاده هى شعور خفى بالحزن”
― عمر طاهر, مشوار لحد الحيطة

“فجأه بيبقى الكون أستله
بدون ورقه اجابه
بتحاول تغش من اللى راحوا ...............سر السعاده”
― عمر طاهر, مشوار لحد الحيطة

“صدقنى ..
هتضحك من ورا قلبك
و يدهشك تسقيف الجمهور
و انت ماشى ع ايقاع يأسك
و بتدخل دايره المجهول”
― عمر طاهر, مشوار لحد الحيطة

“كل القضايا خسرانه
وشرف المحاولة زى عود الكبريت
و أنت لسه مصمم
تقابل نفس اللى راحو
فى نفس المواعيد القديمه
فى نفس الزهق اللى بيسطر
على لعبه الخير و الشر اللى جواك”
― عمر طاهر, مشوار لحد الحيطة

“6.10 صباحا
على الكورنيش بقايا عشاق
نزيف قشر ترمس واعقاب سجاير
بيؤكد وجود شبحين اتحولوا فى لحظه لطيور على البر التانى
جوز عصافير بيواجه دهشة الفراق !”
― عمر طاهر, مشوار لحد الحيطة

“الحنه حنه حنه
والقلب قلبك لكن
فيه نار تشبه لجنه
والفرق فى اللى ساكن”
― عمر طاهر, مشوار لحد الحيطة

“رجرجه القطر بتفتح كل الجروح
و عمرك المتقسم ع محطات
فجاه بيتجمع على تذكره كرتون
هتطبقها فى جيبك
لانك هتفشل تقسمها ع اتنين”
― عمر طاهر, مشوار لحد الحيطة

“لا عمرى انتحرت و لا عارف اعيش
مع انى بأفتح صدرى
و أدى مليون حياه
لجمله مزيكا
قصيده جديده
صوت جميل
وطن لسه مجاش
ماأعرفش مين هزنى .. و علمنى ما افرحش بهدوء”
― عمر طاهر, مشوار لحد الحيطة

“ماشى مندهش
و بينعى الليل اللى مات صغير
و بيحاول يحدد ملامح كل اللى فاتهم ومان
و هما بيقطعوا الشارع بالعرض
و بيرموا مشاوير جديده ... بتجننه”
― عمر طاهر, مشوار لحد الحيطة

“عمر طاهر ....
أهم شخص فى الكون مطلع قصيده هاكتبها فى سن اليأس لو وصلت فى الميعاد
عمر بحاله ..... و الكرسى متغيرش
لحد مترسم جواك ..شريطين
شاويش
بس مايملكش السلاح المناسب
عشان كده بينسحب من نص المعركه
بعد خيانه مابيخونهاش”
― عمر طاهر, مشوار لحد الحيطة