الكتاب التاني Quotes

“اللي بيعمل أي حاجة حتى لو كانت كويسة أو مهمة أو حتى "مفروضة من الإله" من غير ما يفكر، يبقى هو اللي وصفه التعبير القرآني العبقري: كمثل الحمار يحمل أسفارًا (أسفار يعني كتب)؛ يشيل الكتب زي بالظبط الحمار ما بيشيل البرسيم، زي بالظبط ما بيشيل فراولة، زي بالظبط ما بيشيل قوالح الدرة.. كلهم عنده سواء”
― أحمد العسيلي, الكتاب التاني

“ كُل واحد فينا دايمًا "بينضَح" بحاجة من اللي جُوّاه ، 
أنا رأيي : سيبَك خالِص من الناس بينضحوا بإيه ، لو راقبت اللي بينضح منّك أنت ! ممكن تعرف وبسهولة أنت فعلًا عامل إزّاي ... " ”
― أحمد العسيلي, الكتاب التاني

“تعالوا الاول نعرف الديمقراطية ، ديمقراطيه يعنى حُكم الشعب
وحُكم الشعب يعنى حاجتين فى الاساس : انتخابات " حُره و نزيهه"
التعقيد جاى من الكلمتين اللى بنسمعهم طول الوقت دول"حره ، نزيهه" ... مع ان تعريفهم يبدو سهل برضه: الحُريّه يعنى ماحَدّش يُجبُرحد على أى أختيار كان، أثناء عمليه التصويت أو الأنتخاب ، و النزاهه يعنى ماحَدش يلعب فى نتائج أى انتخابات أو تصويت . كويس جداً
لحدد دلوقتى كُل الناس مُتفّقين ، نيجى بقه للمشكله والمعضله والعقده ، والمأزق و الفخ و الكمين , ألا و هو , نوع المواطن اللى بيدلى بصوته فى أى انتخابات او أى تصويت , يعنى ببساطه عشان يبقى عندك نظام ديمقراطى ( بالمفهوم المتعارف عليه ) ناجح فعلاً, لازم يبقى عندك شعب بحاله موضع ثقه , لان مجموع أصوات الشعب بحاله هو اللى بيقرر مين اللى حيمثله فى البرلمان و مين اللى حيحكمه.
و الفخ واضح طبعاً , لو عندك شعب فقير مثلاً وحَد اداله فلوس ممكن ينتخبه , لو عندك شعب محروم من الخدمات مثلاً و حد قدمله الخدمات دى ممكن برضه ينتخبه... لو عندك شعب عاطفى مثلاً ممكن بسهوله عواطفه تأثر على قراره . و الاخطر من ده كله انك لو عندك شعب ساذج او جاهل او مايعرفش فين مصلحته لاى سبب ممكن حد ذكى يضحك عليه فبرضه ينتخبه و بالتالى تبقى النتيجه بتاعه أى انتخابات اصحاب الاصوات فيها بيندرجوا تحت أى من الحالات المذكوره أعلاه, بتبقى نتيجه إن لم تمل الى الكارثيه فهى على الاقل فى منتهى الخطوره”
― أحمد العسيلي, الكتاب التاني

“والليّ مايشوفش غيّر نفسه يبقى مايستحقش يشوف”
― أحمد العسيلي, الكتاب التاني

“إزاي في عالم كله معمول من قزاز ما تترعبش لَكل حاجة تتكسر!”
― أحمد العسيلي, الكتاب التاني

“رجل الدين الحقيقي هو اللي بيلاقي طريقه لقلوب الناس , مش الي عايز حُكم ديني يديله سلطة عليهم”
― أحمد العسيلي, الكتاب التاني

“أحلى مافي الدُنيا... أصعبها”
― أحمد العسيلي, الكتاب التاني

“ لازم نفتِكِر إن الناس المُختلفين عن بعض دول كُلُّهم لسّه بينهم تشابُه كيير، في الطبيعة، في الفطرة.. هُمّ نفس الكائن، نفس الفصيلة، نفس البني آدم... وبتغيّر ظروفهم فيهم حاجات، بس بتفضل الفِطرة والأصل واحد. " ”
― أحمد العسيلي, الكتاب التاني

“الإستسلام للرب الخالق موضوع بس الإستسلام لآفكار ولبني آدميين بُيخطئوا قبل يصيبوا موضوع مُختلف تماما”
― أحمد العسيلي, الكتاب التاني

“الإستسلام للرب الخالق موضوع بس الإستسلام لآفكار ولبني آدميين بُيخطئوا قبل يصيبوى موضوع مُختلف تماما”
― أحمد العسيلي, الكتاب التاني

“من غير حكمة بيفضل البني آدم أحمق حتّى لو كان شاطر، أخَرق بالرغم من ذكاؤه.. بيفضل عبيط حتّى لو سقّفولُه بقية الناس «العُبط» بَرضُه.. العِلم بيخلّي البني آدم يقدر يخترع حاجات، بس الفلسفة بتخلّيه يختار حيخترع إيه. العلم بيعمل عَضلات للبني آدم بس الفلسفة هي اللي بتعلّمُه يستعمل عَضلاتُه ازّاي،”
― أحمد العسيلي, الكتاب التاني