رسم بالكلمات Quotes

“لو كنت أفوت على كل الوجوه، وأشيل منها القناع
اللي بيخللي أجبن جبان عامل بطل و شجاع
كان يبقى اللي فوق السطح، تمام زي اللي تحت القاع
وماكانش تفضل جواجز تداري النفاق و الخداع”
― حسين بيكار, رسم بالكلمات

“ياللي عايش حياتك محتار بين الخطأ و الصواب
و بتسأل علي معني الحلال و الحرام و لا انت لاقي جواب
الجنة باب مفتوح لا فيه حارس و لا بواب
للي يطهر من الذنوب قلبه وربك للعباد تواب”
― حسين بيكار, رسم بالكلمات

“يا عايش في الدنيا وحدك من غير حبيب و لا صاحب
وواخد معاك وحدتك تتباهى بيها وتتعاجب
انت اللي مغلوب علي أمرك وفاكر انك الغالب
دي الدنيا صحرا كبيرة ، ورفيق الرحلة شئ واجب”
― حسين بيكار, رسم بالكلمات

“شايل قلبه علي كفه. وواقف في مهب الريح
لا قادر يخلص قلبه. ولا عارف ازاي يسترح
حب يفتح بيبان قلبه علشان يداوي التجاريح
دور علي المفاتيح، مالقاش ياعيني المفاتيح”
― حسين بيكار, رسم بالكلمات

“الطفل والشاب والصبي والعجوز
حروف في سفر الحياة زي الألغاز و الرموز
ومش كل حفرة ف طريقك تلقاها مليانة كنوز
ومش كل أمنية في حياتك تتحقق لما تشتهي و تعوز”
― حسين بيكار, رسم بالكلمات

“يا صاحب القلب الرقيق ما تغركش دمعة التمساح
و لا تفتكرش أنياب الدياب ابتسامة حب و مزاح
دي رنة الأجراس مش دايما اعلان عن الأفراح
وياما ابتسامات بتنطوي علي الألم و الجراح”
― حسين بيكار, رسم بالكلمات

“فتح الجحيم بابه وسلط علينا النار
والأرض صارت لهب والهوا أصبح شرار
لا تلج نافع، ولا مراوح، والعرق أنهار
إن كان هزارك يا جهنم كده
وحياتك يا جهنم كفاية هزار”
― حسين بيكار, رسم بالكلمات

“مشيت في الدروب أخبط على كل باب
واسأل سكان البيوت من الشيوخ و الشباب
وأقول لكل شئ في الوجود سبب من الأسباب
لكن قولولي إيه سبب قلة الأحباب”
― حسين بيكار, رسم بالكلمات