The Great Hedge of India Quotes

“அதிக வெப்பத்தினால் ஏற்படும் தளர்ச்சி (Heat exhaustion) உடலில் நீர் குறைவதால் அல்லது உப்பு குறைவதால் ஏற்படுவதாகும். இவை இரண்டுக்கும் உடல் முற்றிலும் வெவ்வேறு விதமாய் எதிர்வினையாற்றுகிறது. உடலில் நீர் குறைந்தால் தாகம் எடுக்கிறது. தாகம் கொண்டவர் நீரை அருந்தி சகஜ நிலைக்குத் திரும்புகிறார். ஆனால் உப்பு குறைந்தால் தாகமோ அல்லது உப்பை உண்ண விருப்பமோ தோன்றுவதில்லை. பாதிக்கப்பட்டவர் உடல்நிலை சரியில்லாததை உணர்வார். ஆனால் எதற்காக என்பது தெரியாது. களைப்பு, உற்சாகமின்மை, தலைவலி மற்றும் தசை தளர்ச்சி ஆகியன உப்பின்மையின் முதல் அறிகுறிகள். உப்பின் அளவு குறையக்குறைய தலைச்சுற்றும், மயக்கமும் நேரலாம். இன்னும் குறைந்தால் பசியின்மையும், குமட்டலும், வாந்தியும் ஏற்படும். இதனால் உணவு உட்கொள்ளுவது குறைகிறது அல்லது முற்றிலும் தடைபடுகிறது, எனவே உப்பை உட்கொள்ளுவதுவும் குறைகிறது. இது உடலை மேலும் வாந்தியெடுக்கச் செய்து மேலும் மேலும் உப்பை வெளியேற்றுகிறது.

உடலில் உப்பு குறைவாகி இறப்பு நேர்வதை முன்னறிவது கடினம். குறிப்பாக வேறொரு நோயுடன் இது சேர்ந்துகொள்ளும்போது இதை தனித்து அறிவது மிகக்கடினம். பழைய இந்திய கிராமங்களில் நிச்சயமாய் வேறு காரணங்களே சுட்டப்பட்டிருக்கும். இருபதாம் நூற்றாண்டின் மருத்துவமனைகளிலேயே ‘இறப்புகள் இரத்தத்தில் நச்சு, யூரியா அதிகரித்தல் அல்லது இரத்த ஓட்டம் நின்றுபோதல் போன்றவற்றால் நிகழ்ந்ததாக கருதப்படுகின்றன. ஆனால் அவர்கள் உண்மையில் மிகச் சாதாரணமாக உப்பில்லாமல் இறந்து போயிருக்கிறார்கள். அவர்களை எளிதில் காப்பாற்றியிருக்க முடியும்’ என்கிறார் டாக்டர். மாரியட்.”
― Roy Moxham, The Great Hedge of India: The Search for the Living Barrier that Divided a People

“கம்பெனி ஆட்சியின் துவக்கத்தில் குறைந்தபட்சம் 60,000 பேராவது உப்பு தயாரிப்பில் வேலைசெய்தனர். வேலை அதிகமாகவும் ஊதியம் கொடுமையாகக் குறைவாகவும் இருந்தது. ஒருநாளைக்கு 13 குண்டாக்கள் ஊதியமாக வழங்கப்பட்டன. குண்டா என்பது பணத்தின் மிகச்சிறிய அலகாகும். அது நான்கு சோழிகளுக்குச் சமமானது. 100 குண்டாக்கள் சேர்ந்து ஒரு அணா ஆகின. ஒரு ரூபாய்க்கு 16 அணாக்கள். ஆக முப்பது நாட்கள்கொண்ட ஒரு மாதத்தில் மொத்த சம்பளமும் கால் ரூபாய் ஆகும்.”
― Roy Moxham, உப்புவேலி / Uppuveli

“1774ல் தன் 49வது வயதில் கிளைவ் தனது பேனா கத்தியால் கழுத்தை அறுத்துக் கொண்டார். அடையாளமற்ற கல்லறை ஒன்றில் அவர் அடக்கம் செய்யப்பட்டார்.”
― Roy Moxham, உப்புவேலி / Uppuveli

“கிழக்கிந்திய கம்பெனி யினால் சுங்க எல்லையை வகுக்க 1850ல் உருவாக்கப்பட்ட 1500 மைல்கள் நீளமிருந்த ஒரு புதர்வேலி (hedge) குறித்த மேலோட்டமான குறிப்பு இருந்தது. அந்த வேலி இமாலயத்திலிருந்து ஒரிசா வரைக்கும் இந்தியாவை இரண்டாகப் பிரித்திருந்தது. 12,000 பேர் இந்த வேலியின் ஓரத்தில் உப்புவரி ‘பிடுங்கும்’ பணியிலமர்த்தப்பட்டனர். மனித வரலாற்றின் மிகப்பெரிய கட்டுமானங்களில் ஒன்றாக அது இருந்த போதும் எந்த வரலாற்று நூலிலும் அது குறிப்பிடப்படவில்லை. இன்று அது இங்கிலாந்திலும் இந்தியாவிலும் முழுவதுமாக மறக்கப்பட்டு விட்டது.”
― Roy Moxham, உப்புவேலி / Uppuveli

“ஒரு வரலாறானது புத்தகமாகவோ அல்லது திரைப் படமாகவே படைப்புறும்போது, அது மானுடத்தின் மனசாட்சியை எக்காலத்துக்கும் உலுக்கும் ஆவணமாக நிலைபெற்றுவிடுகிறது.”
― Roy Moxham, உப்புவேலி / Uppuveli

“கிளைவ் நவாபை தோற்கடித்த பின்னர் அவர் ஒரு பொம்மை நவாபிற்கு முடிசூட்டினார், அவர் பெயர் மிர் ஜாபர். அரச குடும்பத்தில் ஒருவர். அதற்கு வெகுமதியாக கிளைவிற்கு அந்த ’இராஜதுரோகியிடமிருந்து’ ரூ 23,40,000 தரப்பட்டது, கூடவே ரூ. 3,00,000 வருடாந்திர வாடகையும் 880 சதுர மைல் அளவில் சொந்த நிலமும் வழங்கப்பட்டது.”
― Roy Moxham, உப்பு வேலி [Uppu Veli]

“உடல் செயல்பட உப்பு அதாவது ’சோடியம் குளோரைடு’ தேவை. அது இரத்தம் உட்பட்ட உடல் திரவங்களின் முக்கிய உட்பொருளாகும். உடலின் எடையில் நானூறில் ஒரு பங்கு உப்பாகும். சராசரி மனித உடலில் 6அவுன்ஸ் (சுமார் 170 கிராம்) உப்பு உள்ளது. உடலில் உப்பின் அடர்த்தியளவு மிக முக்கியமானது. உப்பின் அடர்த்தி அளவை சீராக வைத்துக்கொள்ள உடல் தேவைக்கேற்ப நீரை வெளியேற்றும் அல்லது தக்கவைத்துக்கொள்ளும். மனித உடல் வியர்வையால் குளிரூட்டப்படுகிறது. காற்றின் வெப்பம் அதிகமானால் அதிக வியர்வை உருவாக்கப்படுகிறது. இதேபோல அதிகமான உடல் உழைப்பின்போது உடல் சூடாகி அதிக வியர்வையை உருவாக்குகிறது. ஆகவே வெப்பமான சூழலில் கடின உடலுழைப்பு தேவைப்படும்போது அளவுக்கதிகமான வியர்வை வெளியேறுகிறது. நல்ல வெப்பமான நாட்களில் இது மணிக்கு இரண்டு பைண்ட்டுகள்வரை (சுமார் ஒரு லிட்டர்) இருக்கும்.”
― Cyril Alex, உப்பு வேலி [Uppu Veli]

“டபிள்யூ. எஸ் ஹால்சே சுங்க வேலியை கட்டுப்படுத்திய கடைசி ஆணையர். அவரது முதல் இரு வருடங்களில் புதர்வேலி அதன் அதிகபட்ச நீளத்தையும் முழுமையையும் அடைந்திருந்தது. ஒரு வருடத்தில் மட்டும் ஆக்ரா மாவட்டத்தில் 62 மைல்கள் புதர்வேலி 14 அடி அகலத்திற்கு நடப்பட்டது. ஹால்சேயின் அறிக்கைகள் சுருக்கமானவை, விவரணைகள் குறைந்தவை, அவரது முன்னோடிகளுடன் ஒப்பிடுகையில் எழுச்சியற்ற உரைநடை. இருந்தும் அவர் கவனமாகத் திரட்டப்பட்ட கணக்குப் பட்டியல்களை வழங்கினார். 1877-78 சுங்க வேலி குறித்து கீழுள்ளவாறு பதிக்கிறார். முழுமையான நல்ல - உயிருள்ள பச்சை புதர்வேலி 411.50 மைல்கள் - உயிருள்ளதும் காய்ந்ததும் கலந்த வேலி 298.15 மைல்கள் - காய்ந்த வேலி 471.75 மைல்கள் - கல் அரண் 6.35 மைல்கள் முழுமையற்ற குறைபாடுள்ள வேலி 33.25 மைல்கள் மொத்தம் 1,521.00 மைல்கள்”
― Cyril Alex, உப்பு வேலி [Uppu Veli]

“1834 முதல் 1854வரை சுங்க ஆணையராக இருந்த ஜி.ஹச். ஸ்மித் எழுதுகிறார்: ‘தடுப்பு முயற்சிகளில் பல சாவடிகள் முட்புதர்வேலியின் உதவியை நாடுகின்றன. உடைத்தழித்தால் ஒழிய தாண்டிவிட முடியாத உயரத்தில் அவை இருந்தன. இதனால் அருகே காவலிருந்தவர்கள் வந்து சேர போதுமான அவகாசம் கிடைத்தது. எல்லையில் சில இடங்களில் காவலாளிகள் உயிர்வேலி ஒன்றை உருவாக்கத் துவங்கியுள்ளனர். பிறரும் அதே திட்டத்தை செயல்படுத்தவிருக்கின்றனர். இன்னும் சிலவருடங்களில் ஊடுருவமுடியாத நிரந்தர தடுப்புச்சுவர் ஒன்றை உருவாக்கிவிடுவோம். வடமேற்கு பிராந்தியத்தில் தலைச்சுமடு கடத்தலை தடுக்க இது உதவும்’.”
― Cyril Alex, உப்பு வேலி [Uppu Veli]

“ஆயிரம் மைல்தூரம் உயிருள்ள புதர் வேலியை வளர்க்கும் பணியை செய்து பார்க்காத எவராலும் அது எப்படி ஒரு ஹெர்க்குலிசின் சவால் என்பதை கற்பனைசெய்வதுகூடக் கடினம்.’ ஆலன் ஆக்டேவியன் ஹியூம், உள்துறை சுங்க ஆணையர்.”
― Cyril Alex, உப்பு வேலி [Uppu Veli]

“வங்காளம் விரிவடைந்ததை அடுத்து கல்கத்தாவிலிருந்த அதிகாரிகள் ஒரு பெரும் சுங்க வேலியை உருவாக்கும் நிலைக்கு தள்ளப்பட்டனர். முதலில் தனித்தனி பகுதிகளாக இந்த வேலி உருவாக்கப்பட்டது. 1869ல் பகுதி பகுதியாக இவை இணைக்கப்பட்டன. இமயமலையின் அடிவாரத்தில் துவங்கி ஒரிசாவில் கிட்டத்தட்ட வங்காள விரிகுடாவின் கரையைத் தொடும் இடம் வரைக்கும், மொத்தம் 2,504 மைல்கள் தொலைவு. 1869ல் துவங்கி 1879வரையான அடுத்த பத்து ஆண்டுகளில் அந்த சுங்க எல்லை ஒரு விநோதமான முழுமையை அடைந்தது.”
― Cyril Alex, உப்பு வேலி [Uppu Veli]

“பாராளுமன்ற”
― Cyril Alex, உப்பு வேலி [Uppu Veli]

“கடத்தல்”
― Cyril Alex, உப்பு வேலி [Uppu Veli]