Kung Wala na ang Tag-Araw / Ano Ngayon, Ricky? Quotes

“Kapirasong metal at ilang libong piso kapalit ng isang anak! Ngunit may iba pang tawag rito. Kabayanihan. At dito, nagkakaroon ng ganda ang isang kawalan.”
― Rosario de Guzman-Lingat, Kung Wala na ang Tag-Araw / Ano Ngayon, Ricky?

“Ibig kong samantalahin ang aking tag-araw. Natatakot akong isipin na ito’y natapos na hindi naipagkaloob ang dapat na naging akin. Kung ito’y wala na, ayaw kong ang mga gunita nito’y malipos ng mga sana. Isang trahedya ang buhay kapag nagkagayon. Magwawakas sa paghahangad ng hindi na magbabalik. Kaya ngayon pa’y pinipili ko na ang aking landas.
—Eking”
― Rosario de Guzman-Lingat, Kung Wala na ang Tag-Araw / Ano Ngayon, Ricky?

“Maikli ang buhay . . . Lalong maikli ang kabataan. Hindi mo namamalayan, lumilipas ang mga taon . . . Bago mo malaman, wala na ang lakas, ang init, ang sigla ng iyong katawan. Tapos na ang tag-araw ng iyong buhay.
—Eking”
― Rosario de Guzman-Lingat, Kung Wala na ang Tag-Araw / Ano Ngayon, Ricky?

“Maganda ang salita kung totoo.
—Victor”
― Rosario de Guzman-Lingat, Kung Wala na ang Tag-Araw / Ano Ngayon, Ricky?