Janna Regina’s Reviews > Topograpiya ng Lumbay > Status Update

Hindi ko alam kung anong punto o relevant ba ang mga paggunita ni Ruis sa nakaraan nila ni Kata. Kung ganitong babalik-balikan mo naman pala, bakit binitiwan mo pa? Mahaba ang istorya, nasa lagpas kalahati na ako pero hindi ko pa rin naiintindihan ang punto ng mga ito. Ano ang sinusubukan nilang gawin? Bakit magkakasama sila? Puro Kata,Kata, Kata. Magiging relevant ba siya?

Naiintindihan ko, malapit nang mamatay ang literaturang Pilipino. Mas marami nang kabataan ang pipiliin ang mga nobela sa kanluran. Ngunit pang ilang beses nang nabanggit sa mga akda ang katotohanan na ito. Mabubuhay ba ang market ng publishing kung puro rant na ganito ang mababasa? Maganda sa una, nakakabagbag damdamin. Pero nakakasawa rin.

Dito ko nakikita ang sinasabi ng iba na mala-Murakaming istilo ni RTA pagdating sa mga babae. Maraming deskripsyon na nakakapagpataas ng kilay. "Maganda pa rin sya kahit may anak na"? "Isang flat-chested na babae..." Hindi ko maintindihan kung ano ang punto ng mga pagsasalarawang ito sa kubuuan ng naratibo.