Ahmad’s Reviews > نشأة الكليات: معاهد العلم عند المسلمين وفي الغرب > Status Update

رغبتى من شراء الكتاب أو البحث بمعنى أدق معرفة تطور نظام التعليم فى الامبراطوريات الاسلامية والغربية وده بيوصفه الكتاب بشكل دقيق. بس حتى الان الكتاب فتحلى أفق تانى فى معرفة واقع الامبراطوريات الاسلامية اللى كان فيه زى أي دولة فساد وواسطة وتوريث حتى فى مهن زى التدريس
احنا درسنا الامبراطوريات الاسلامية بشكل غير واقعى وانحياز شديد خالق أحلام مش منطقية ومخلي قليل اننا نشوف اسلاميين يفكروا بشكل واقعى حاليا فى مشاكل دولة

بعض الأحيان الكتاب بيكون محمل بتفاصيل دقيقة جدا غير مفيدة غير للباحثين . وبعض الاحيان يكون الكتاب أكثر من رائع فى توسيع الإدراك والتفكير وفهم شكل التعليم ونقل المعلومات فى العصر الإسلامى وأوروبا

من الفروق الجوهرية بين التعليم دلوقتى وفى عصر الامبراطورية الإسلامية ، إنه قبل كده كان معتمد أكتر على الأشخاص نفسهم
الأشخاص اللى بيعملوا المدرسة هما اللى بيحددوا نظامها بشكل شبه كامل والشيوخ بيحددوا المناهج ، والإجازات أو الشهادات بتتاخد من أشخاص برضة
والطالب بيختار عادى يدرس إيه وفي مدرسة إيه اللى نظامها إيه
مفيش وجود لمنهج موحد على مستوى الدولة وأسلوب تقييم موحد ومدرس مطلوب منه يتبعه فقط كده

تقريبا كل ما كانت القوانين غير محددة أو تعتمد على القيم الشخصية كل ما قادت لمجتمع أكثر وقار واحترام ، لكن مع زيادة أعداد الناس كل ما تسمح القوانين دى بانشار الفساد بشكل كبير
زى الفرق مثلا بين قانون " ممنوع الغش " و " ممنوع الكلام خالص "
حلم دولة بالقوانين الكلاسيكسة للدولة الاسلامية واللى بيدى سلطة كبيرة للقاضى والحاكم ورؤساء الاوقاف باعتبارهم محترمين فى الأصل جميل، لكن فى الظروف الحالية أعتقد يقترب من المستحيل

فى القرون الهجرية الأولى الناس كانت بتتسابق بينها وبين بعضها على اللى يعلم الناس ويعمل أوقاف تعليمية ويحط فلوس أكتر فى دعم الطلبة وتعليم الدين للناس
وبغض النظر عن إن "أحيانا" ممكن يكون غرض كده هو استقطاب الناس وطلبة العلم من مذهب لمذهب تانى وإن الموضوع مكانش وردى يعنى كعادة التاريخ ، لكن تظل الحقيقة إن فيه فرق جوهرى جدا وهو إن الناس كانت من همومها الكبيرة تعليم غيرهم وبيحطوا فلوس كتير من معاهم في ده

interesting