غُفْرَان’s Reviews > مرتفعات ويذرينج > Status Update

بحبها جدا

انا كمان حبيتها آوي :)
كنت لسه بدور على الفيلم عشان أشوفه

ترجمة مين؟

ورقي ولا يا غفران ؟

مكتبة الاسرة ترجمة صبري الفضل
هي الترجمة مش أد كده
والطباعة سيئة لكن الرواية مبهرة
ولو كانت على ورق جرايد كنت هقراها بردوه :)

لا ورق يا حمدان
عاش من شافك :)
حمد الله ع السلامة

Ghofran wrote: "مكتبة الاسرة ترجمة صبري الفضل
هي الترجمة مش أد كده
والطباعة سيئة لكن الرواية مبهرة
ولو كانت على ورق جرايد كنت هقراها بردوه :)"

اعتقد نسخة مكتبة الأسرة مختصرة يا غفران
أنا قريت النسخة بتاعت حلمي مراد.. سلسلة كتابي / المؤسسة العربية الحديثة.. 3 أجزاء.. أعتقد إنها الترجمة الكاملة للرواية، وعجبتني فعلا. بس بدور على ترجمات تانية ليها

اه فعلا مختصرة يا عارف
اعتقد النص الأصلي ٦٠٠ صفحة مثلا دي ٣٨٠
عشان كده كنت عايزة اشوف الفيلم لحد ما اجيب ترجمة حلمي مراد سمعت انها افضل ترجمة للرواية

Ghofran wrote: "اه فعلا مختصرة يا عارف
اعتقد النص الأصلي ٦٠٠ صفحة مثلا دي ٣٨٠
عشان كده كنت عايزة اشوف الفيلم لحد ما اجيب ترجمة حلمي مراد سمعت انها افضل ترجمة للرواية"
فيه ترجمة حلوة قوي للرواية لواحد اسمه شمس الدين الغرياني.. قريت جزء صغير منها بس مش عارف الاقيها فين.. كمان سمعت إن منير بعلبكي ترجم الرواية كمان بس مش متأكد من المعلومة دي

Ghofran wrote: "لا ورق يا حمدان
عاش من شافك :)
حمد الله ع السلامة"

تسلمي يارب
اه يبقى هي دي نفس اللي عندي بس الغلاف مختلف ، ما كملتهاش لما لقيتها مختصرة و الترجمة مش قد كدة و كان عندي امل ان ليها طبعة تانية كاملة و بترجمة افضل

عارف بيقول ترجمة حلمي مراد من سلسلة كتابي
كويسة وكاملة انا كمان كذا حد قال لي نفس الكلام

في رأيي هي افضل الكلاسيكيات مع جين اير و كبرياء و تحيز :)

Ghofran wrote: "عارف بيقول ترجمة حلمي مراد من سلسلة كتابي
كويسة وكاملة انا كمان كذا حد قال لي نفس الكلام"

عندي كذا حاجة لكتابي و ترجمات حلمي مراد و فعلا ترجماته كويسة ،بس كاملة دي بقى مش عارف لأن الاعداد بتبقى صغيرة في الحجم لكن برضو ممكن لأنها بتبقى اجزاء

جيبت كذا حاجة من سلسلة كتابي من المعرض هيبقى أول تعارف لترجمة حلمي مراد تقريبا تصفحتهم وأظن اني هجيب باقي السلسلة :)

Ghofran wrote: "جيبت كذا حاجة من سلسلة كتابي من المعرض هيبقى أول تعارف لترجمة حلمي مراد تقريبا تصفحتهم وأظن اني هجيب باقي السلسلة :)"

على فكرة السلسلة مش كلها ترجمة حلمي مراد.. يعني مثلا رواية" المسبحة( جزءان) ترجمة حد تاني، وهي ترجمة بديعة فعلا.. المشروع يحمل اسم الراجل العظيم ده، وهو مترجم جزء كبير بالفعل، لكنه فيه ناس تانية بترجم.. قراءة ممتعة :)

صحيح يا داليا :)
وكان من نصيب الأختين انهم يخلدوا أسمائهم بتحفتين مثل مرتفعات ويذرنج وجين آير
لكن الرواية التالتة مقرتهاش
أظن دي رواية جين أوستن Pride and prejudice
??

اول مرة أعرف كنت فكراها كلها ترجمته :)
كانت اجمل حاجة جيبتها من المعرض الإلياذة وأديب ترجمة حلمي مراد ثمن النسخة ١٠ قروش
فرحت بيهم اكتر من كل الكتب التانية الجديدة :))

Ghofran wrote: "اول مرة أعرف كنت فكراها كلها ترجمته :)
كانت اجمل حاجة جيبتها من المعرض الإلياذة وأديب ترجمة حلمي مراد ثمن النسخة ١٠ قروش
فرحت بيهم اكتر من كل الكتب التانية الجديدة :))"
ميزة مترجماته إن سعرها زهيد. يعني معتقدشي فيه أسعار تنافس سلسلة كتابي.. بمناسبة الإلياذة .. فيه ترجمة تانية ممتعة لدريني خشبة.. ومن كام سنة كده نزل كتابه المشهور عن الأساطير الإغريقية تبع قصور الثقافة" أساطير الحب والجمال عند الإغريق".. جزءان وبسعر زهيد جدًا.. من أمتع ما قرأت في الأساطير اليونانية.. بس مش عارف بيطبعوا لحد دلوقتي ولا ايه؟

آه ريندا قالت لي على كتاب رديني خشبة وان شاء الله أحاول أجيبه
لكن ترجمة حلمى مراد القديمة دي مشوفتهاش في الطبعات الجديدة للسلسلة

Ghofran wrote: "آه ريندا قالت لي على كتاب رديني خشبة وان شاء الله أحاول أجيبه
لكن ترجمة حلمى مراد القديمة دي مشوفتهاش في الطبعات الجديدة للسلسلة"

السلسلة كبيرة جدًا يا غفران.. وأعتقد إنها صدرت في الستينات.. المؤسسة منشرتش كل حاجة.. هي أعادت طبع جزء منها بس.. أعتقد جزء صغير من إنجاز الراجل ده.. لكن مشروع كتابي اكبر من كده.. يعني مثلا فيه ملخصات كتابي.. ودي بتلخص عيون الأدب العربي والعالمي. فعلا أرجو إن فيه دار نشر تقوم بطبع تراث وشغل الراجل ده كله عشان يستحق

صحيح تمام نتمنى المؤسسة تعيد نشرها من جديد
أوديب اللى عندي أكتشف إنها ترجمة الدكتور طه حسين عن نصوص سوفوكليس وأندريه چيد
خسارة فعلا توقف طباعتهم

Ghofran wrote: "صحيح تمام نتمنى المؤسسة تعيد نشرها من جديد
أوديب اللى عندي أكتشف إنها ترجمة الدكتور طه حسين عن نصوص سوفوكليس وأندريه چيد
خسارة فعلا توقف طباعتهم"

فعلا :(

ايوة جين اوستن pride and prejudice
مستر دارسي بقا 3>
لو مقريتهاش فايتك كتيير ؛ و ابقي اتفرجي على الفيلم بعدها :)

لو بتحبو كتب الكترونية بي دي اف عندي بعض كتب دريني خشبة ممكن ابعت لينكات :)

تمام هدور عليها واقراها
ياريت لينكات يبقى ألفين شكر وتحية :)
يا سلام لو عندك له لينك لكتاب أساطير الحب والجمال يبقى تمام جدا

عندي ثواني اجيب لك لينك

https://app.box.com/s/31dmt0xxjb87973...

لو مشتغلش معاكي قولي لي هرفعه على سيرفر تاني

ده رابط لترجمة حلمي مراد للرواية للأجزاء التلاتة

http://www.ibtesamh.com/showthread-t_...

Wafa wrote: "ده رابط لترجمة حلمي مراد للرواية للأجزاء التلاتة

http://www.ibtesamh.com/showthread-t_..."

تشكرات يا وفاء

تمام يا داليا هو اللينك فتح بس هو انا مش عارفة أثبته على الموبايل بس تمام هقراه بردوه :))
تسلم ايدك