Fariha’s Reviews > Daar Say Bichray / ڈار سے بچھڑے > Status Update

شکستہ دیواروں کے آس پاس کانٹے دار جھاڑیوں کو پھلانگ کر جب میں اندر کے ٹوٹے پھوٹے فرش پر قدم جمائے کھڑا تھا تو عمارت کے دوہرے دالانوں میں سے کوئی پرندہ چیخیں مارتا نکلا تھا۔ مجھے تھوڑی دیر بعد علم ہو پایا کہ وہ پرندہ نہیں، ایک چمگادڑ تھا۔ مجھے تاریکی، تنہائی اور مافوق الفطرت عناصر سے خوف نہیں محسوس ہوتا، کیونکہ میں جس مکان میں رہتا ہوں، اس کے زیادہ تر حصے ہمیشہ تاریک رہتے ہیں۔۔۔

میاں نے کہا تھا کہ زمین پر پاؤں مارنے سے جو دھمک پیدا ہوتی ہے، اس کے نہایت معمولی سے ارتعاش سے بھی کائنات کا کوئی عمل ضرور متاثر ہوتا ہے۔ ہر قدم اہم ہے

تھوڑی دیر پہلے تک جو دُھندلا دُھندلا اپنا سایہ نظر آ رہا تھا، وہ بھی زمین کے گرد و غبار میں کہیں کھو چکا تھا۔

سب ایک دوسرے سے خود کو چھپا رہے تھے جیسے انسان نہ ہوں، کوئی بھید ہوں۔

دھندلکے میں کسی کتے جیسی چیز کو کتا نہیں سمجھنا چاہئے. . .تم اس کا مقابلہ کرکٹ کے بلّے اور ماچس سے کرنا چاہتے ہو. . .بے وقوف کہیں کے. . .ایک معصوم بچے نے ایک دفعہ ایسا ہی کیا۔جب وہ لکڑ بگھا آیا تو وہ بچہ کچھ نہ کر سکا۔اس نے بچے کو دبوچا اور گردن چیر کر اس کا سارا خون پی لیا۔اور پنجے گاڑ کر آنتیں نکال لیں اور. . .تمام گوشت ادھیڑ ادھیڑ کر کھا لیا۔"
"امی. . .امی. . ."منّو بھیا نے ان کی کمر مضبوطی سے پکڑ لی۔
"ڈرو مت۔۔۔

۔۔۔بھائی جان نے اٹھ کر تمام دروازوں کی کنڈیاں دیکھیں، کھڑکیوں کی سٹکنیاں بند کیں، پڑوس میں آواز دے کر ہوشیار رہنے کی تلقین کی اور آ کر بتایا کہ گھبرانے کی کوئی بات نہیں ہے۔

کھڑکی کی نیم تاریک شیشوں کے پرے بچی کھچی رات تیز اور سرد ہواؤں کے ساتھ بہتی تھی۔ کمرے کے اندر بہت حبس تھا اور نیلے بلب کی مدھم روشنی بہت ہیبت ناک اور پُراسرار محسوس ہو رہی تھی۔ منو بھیّا کے علاوہ سب لوگ اپنے اپنے بستروں میں پڑے جاگ رہے تھے۔ سب کو معلوم تھا کہ منو بھیّا کے علاوہ سب لوگ جاگ رہے ہیں لیکن ایک جانے بوجھے خوف کی بنا پر کوئی اس بات کا اظہار نہیں کر رہا تھا کہ اسے معلوم ہے کہ دوسرے لوگ جاگ رہے ہیں اور یوں۔۔۔