Mariam > Status Update

نفسي أسمع نكتة حلوة
ماسمعتهاش قبل النهارده
واضحك لحد ما بطني تقفش
وهشتم اللي يقولي اهدى
وتكون أبيحة مافيش مشاكل
أو حتى هتودي في شناكل
أصلي اللي زيي شارب وواكل
م الحزن لمّا قلبه صدّى

ندرت الندر بالساهل
وكفّرني عشان اوفيه
لا كان الندر يستاهل
ولا كفري نفع بعديه

سبعة نوفمبر تبدأ سنين الشقا
لكن ماعرفش هتنتهي إمتى
وتبدأ سنين العمر تتسرسب بقى
والعمر يعني ماكانش بيجري من إمتى!

والعمر دايرة
مقفولة صح
أولها..
تلقاه في الختام!

يا أيها العبد الملول
ربك طلع مش زينا
وطلع بيرضى مننا
حتى بأنصاف الحلول!

الجاي مش قد اللي راح؟
ولا اللي اللي جاي أكتر؟
الشاش على قد الجراح؟
ولا الجراح أكبر؟