Manny’s Reviews > Hávamál > Status Update

71

Haltr ríðr hrossi,
hjörð rekr handarvanr,
daufr vegr ok dugir;
blindr er betri
en brenndr sé;
nýtr manngi nás.

63

Fregna ok segja
skal fróðra hverr,
sá er vill heitinn horskr;
einn vita
né annarr skal;
þjóð veit ef þríru.

58

Ár skal rísa
sá er annars vill
fé eða fjör hafa;
sjaldan liggjandi úlfr
ær um getr
né sofandi maðr sigr

53

Lítilla sanda,
lítilla sæva,
lítil eru geð guma;
að allir menn
urðut jafnspakir;
hálb er öld hvar.

50

Hrörnar þöll
sú er stendr þorpi á,
hlýr at henni börkr né barr;
svá er maðr
sá er manngi ann;
hvað skal hann lengi lifa?

43

Vin sínum
skal maðr vinr vera
þeim ok þess vin;
en óvinar síns
skyli en maðr
vinar vinr vera.

38

Vápnum sínum
skala maðr velli á
feti ganga framarr
því að óvíst er að vita
nær verðr á vegum úti
geirs um þörf guma

35

Ganga skal,
skala gestr vera
ey í einum stað;
ljúfr verðr leiðr
ef lengi sitr
annars fletjum á

27

Ósnotr maðr
er með aldir kjömr,
það er bazt að hann þegi;
engi það veit
að hann ekki kann
nema hann mæli til margt;

23

Ósviðr maðr
vakir um allar nætr
ok hyggr að hvívetna;
þá er móðr
er að morgni kjömr:
allt er víl sem var.