Ali Mohamed > Status Update

الأوغاد إيڤري وير 😒

مَيّ wrote: "الأوغاد إيڤري وير 😒"

للأسف :/
وكنا منتوقعش وجود الأفعال دي على موقع يقال عنه إنه موقع للثقافة والأدب

Ali wrote: "مَيّ wrote: "الأوغاد إيڤري وير 😒"

للأسف :/
وكنا منتوقعش وجود الأفعال دي على موقع يقال عنه إنه موقع للثقافة والأدب"

لا إحنا اتغيرنا أوي يا لينا 😅
الموقع ما شاء الله زاخر بكل الأطياف، الفكرة الوردية دي تلاشت تمامًا
بس أتمنى لك تقابل سلوكيات أفضل
لا تهتم بهؤلاء

الله المستعان
غلطنا فعلا لما اعتبرنا إن الموقع هنا ممكن يختلف عن القاعدة العريضة من الناس, لأن اللي عليه ناس بردو, لكن مع كل الكم دا من الكتب وصفر سلوكيات وتعامل فبصراحة كدا بنلعب :/

(كان نفسه يكتب بنستهبل بس بيكتبها بنلعب)* 😂
هوّن عليك

مَيّ wrote: "(كان نفسه يكتب بنستهبل بس بيكتبها بنلعب)* 😂
هوّن عليك"

هههههههههههه مظبوط :D
الله المستعان :)

أحياناً يا علي تكون الإشعارات معطلة لدى البعض فلا تصل اشارة بوجود تعليق أو سؤال يحدث أحياناً أن تقوم بالتعليق عند أحد الأصدقاء ولا ينتبه له أو يعلق أحدهم لديك ولا يصلك أي اشعار :)

Diaa wrote: "أحياناً يا علي تكون الإشعارات معطلة لدى البعض فلا تصل اشارة بوجود تعليق أو سؤال يحدث أحياناً أن تقوم بالتعليق عند أحد الأصدقاء ولا ينتبه له أو يعلق أحدهم لديك ولا يصلك أي اشعار :)"

ربما بردو, مقدرش أقولك مش معاك حق
وإن كنت أظن إن مشكلة الإشعارات تم حلها من زمان جدا, من وقت ما الموقع غيّر إعدادات الإشعارات وقتها الناس اهتمت جدا بتجديد الإعدادات دي, ودا ظاهر جدا إن الغالبية العظمي بيروح لها اشعارات من كل شيء بيحصل على حسابها.

Ali wrote: "Diaa wrote: "أحياناً يا علي تكون الإشعارات معطلة لدى البعض فلا تصل اشارة بوجود تعليق أو سؤال يحدث أحياناً أن تقوم بالتعليق عند أحد الأصدقاء ولا ينتبه له أو يعلق أحدهم لديك ولا يصلك أي اشعار :)"

رب..."

من فترة قريبة قمت بالتعليق لدى أحد الأصدقاء ولم ينتبه للتعليق مع أنه في نفس الوقت كنت أتكلم معه على الخاص وحدث الأمر عندي منذ شهر أحد الأصدقاء علق لدي على مراجعة ولم يصلني إشعار بالتعليق ولم انتبه له إلا بالصدفة عند فتح صفحة الكتاب :)

بالنسبة للمواقف اللي كتبت بسببها الكلام دا (وهي مواقف متعددة ومتراكمة من مدة) فأظن المشكلة فيها مكانتش في الإشعارات لأن دايما أصحابها كانوا في نفس الوقت بيتفاعلوا أو بيعلقوا في أماكن تانية

أما عن مشكلة الإشعارات بوجه عام فأنا عارف أكيد إن الموقع الغبي دا اتسبب في مواقف بايخة كتير جدا, منها اللي حصل معايا شخصيا واضطرني لإعتذارات كتير في وقتها قبل حل مشكلة الإشعارات.

على كل حال, حتى إذا تغاضينا على المواقف اللي بسببها كتبت الكلام, فيظل الكلام على عمومه صحيح ومتحقق سواء هنا على الموقع أو في غيره.

Ali wrote: "بالنسبة للمواقف اللي كتبت بسببها الكلام دا (وهي مواقف متعددة ومتراكمة من مدة) فأظن المشكلة فيها مكانتش في الإشعارات لأن دايما أصحابها كانوا في نفس الوقت بيتفاعلوا أو بيعلقوا في أماكن تانية

أما عن..."

بالتأكيد في النهاية هو موقع تواصل اجتماعي شئنا أم أبينا و إن أحطناه بهالة من قداسة الكتب
يبقى كغيره ، تعليقي جاء للإعتذار عمن يدفعون ضريبة سوء الموقع و ضعفه ، أما الصنف الآخر الذي لا يرى الناس إلا بنصف عين فلا عزاء لهم :)
تحياتي

مظبوط, أرض العذر تسع الجهل ولا تسع الكبر
مرحبا بك يا ضياء أسعدني نقاشنا :)

احيانا يكون البعض على أرض الواقع قليل كلام
أو غير لبق أو فصيح في الحوارات ومواصلتها
…
هذه وجهة نظري

Maha. ALyazedi wrote: "احيانا يكون البعض على أرض الواقع قليل كلام
أو غير لبق أو فصيح في الحوارات ومواصلتها
…
هذه وجهة نظري"

لا مش دا المقصود من الكلام. ولا يعقل أن نلوم أحد على طبعه
لكن المقصود هو الحد الأدنى اللي يقدر عليه كل أحد ولا يترك إلا تكبرا أو قلة ذوق
حتى قليل الكلام يقدر يقول شكرا أو يجيب عن سؤال أو يرد التحية!

في بعض المرات لا تصل اشعارات التعليق

imane wrote: "في بعض المرات لا تصل اشعارات التعليق"

أجبنا عن هذا فوق :D

سامحني يا عليّ، الستاتس دي من أسوأ الحاجات اللي قريتها على جودريدز
متصفش حد بالحمورية إلا لما تعرف أسبابه يا رفيق :)
وحتى لو مالوش أسباب، دي مساحته الخاصة وليه كامل الحرية فيها وإذا عدم الرد بيضايق كاتب التعليق ممكن ببساطة ميكتبش تعليقات تاني عند الشخص ده

الوصف بالحمورية يقع على كل شخص لا ينتفع بما يقرأ ويعلم، وهو ليس من جيبي على كل حال.

الحرية تقف عند حدود الآخرين وحقوقهم، ومن حقوق الآخرين البدائية جدا هي الرد عليهم إذا كلموك، خصوصا لو مش أساءوا ليك بكلامهم يعني، وتخيلي إني مثلا مردش على كومنتك دا ولا أعبرك؟ أكيد هتدايقي ولو متدايقتيش تبقى بتدعي وهتدايقي بعدين :))
ننزل لأرض الواقع ونبعد عن المثالية قبل ما تجني علينا، الرسول نفسه كان يرد السلام ويجيب السائل.

أما لو جينا لاقتراحك الأخير بإن الواحد ميعلقش عند اللي مبيردش فدا شيء طبيعي يعني مظنش حد عاقل ممكن يكرر الموضوع مرتين، لكن نعمل إية في اللي مكناش نعرف إنهم مبيردوش؟ هيكون غريب لو طلبنا منهم يقولوا (إحنا مبنردش فمتعلقوش عندنا)؟

كونك تشوفي كلامي بالسوء دا يا أميرة هو راجع لمقياسك إنتي ولا يمكن ألومك عليه (كل واحد يقيس بكيفه) لكن لا يمكن بردو أعتذر عن شيء بشوفه من أثبت مبادئي بل من أثبت حقوق أي حد على غيره.

في رأيي الخاص
محدش من حقه يقيم إذا كان شخص تاني بينتفع وبيتعلم باللي بيقراه ولا لأ، وعليه فمن البديهي إنه ميسبوش بإنه حمار على أساس تقييمه ده
مش من حق حد بردو يعمم إن كل الناس بتضايق من عدم رد الناس على كومنتاتها، أنت هنا بتتكلم بلساني يا عليّ
لأن على الواقع وبعيد عن المثالية فأنا فعلاً مش بهتم برد حد على تعليقي، ببساطة لأني بنساه مجرد ما بكتبه، هو مجرد رأي برميه وبمشي :)
بعدين يعني إيه من حقك يرد عليك؟ انتزعت منه الحق ده على أي أساس؟ فين هو حقه في عدم الرد للانشغال أو عدم القدرة على الكلام أو لأسباب كتيرة تانية؟

ده مجرد رأيي، وأنا محترمة رأيك ومطلبتش منك ولا لمحت لإنك تعتذر عنه زي ما بتقول
أنا بناقشك من زاوية تانية أنت مش شايفها
خصوصًا إنك متعرفش الموضوع لو من زاوية بنت بيمشي إزاي، كل كلمة أو تعليق أو رسالة مهما بلغت من الحرص والذوق فهي محسوبة عليها

مش عاوزة أطول عليك بتعليقي السخيف، بس متاخدش السوشيال ميديا على محمل الجد يا رفيق :)

انا معرقش حقيقي الموقف دا سببه ايه يا علي بس انا اتحطيت فيه وفعلا بيبقي الاشعارات مبتجيش ولا بيبان وممكن لو كذا حد علق ميبانش عموما التمس لاخيك سبعين عذرا احنا هنا كلنا بنتفق علي حب القراءة .. كذا حد يعلق عندي وفعلا مبشوفش وبصراحة هم بيتفهموا والحمد لله بس انا مش معاك في وصف الناس بقلة الذوق الا لو فعلا ابدالك انه قليل الذوق وان الكتب مش مأثرة في سلوكه وبرضه أحب أضيف ان ساعات الواحد بيبقي غير قادر علي الرد وعايز يقرأ بس حتي لما باعلق عند حد وميردش انا مبزعلش خالص بالتمسله العذر حتي لو رد علي اللي بعدي مجراش حاجة ممكن ميكونش شاف بس ياسيدي

لو محدش حقه يقيم انتفاع التاني بالعلم يبقى هنوقف حال الكون، إذا قريت في كتاب إن صلاة الظهر أربع ركعات وإنتا صليتها خمسة متعمد يبقى منتفعتش باللي قريته، بهذه البساطة بالمناسبة.

أنا معاكي، إعملي استطلاع رأي شوفي كام واحد من ١٠٠ هيتدايق وبعدها نحكم يجوز التعميم ولا لأ، وكمان لو مكانش انتظار الرد شيء فطري وثابت مكانش يبقى عقاب السفيه ترك الرد عليه.

مش أنا اللي انتزعت حق الرد يا أميرة، زي ما قولتلك قبل كدا دا من الحقوق الفطرية اللي مش منتظرة حد يأسس له، فضلا عن إنه من الحقوق الدينية، وزي ما قولت بردو إنه طالما اللي كلمك مش أساء ليك، يعني لما أقول لزيد مثلا صباح الخير ويبصلي وميردش فدا ليس له أي معنى إلا إنه قليل الذوق.

أما عن الإنشغال، فأنا قولت في تعليق سابق إن كلامي يشمل بعض المواقف اللي حصل فيها إن الشخص كان بيتفاعل في مكان تاني على نفس الموقع في نفس الوقت، ها في مخرج له هنا من قلة الذوق؟ :)

المشكلة مش إنك بتناقشي من زاوية تانية يا أميرة، المشكلة إنها زاوية ميتة، وكل الإحتمالات المؤيدة ليها مردودة أو مقتولة، أو في أفضل الأحوال مساوية لإحتمالات طرحي ذات نفسه.

لو من زاوية بنت أظن يبقى من تمام الإنصاف إنها متضيفش عندها ولاد طالما بتتحرّج من الرد عليهم في مواضيع غير شخصية فضلا عن شخصية.

أما عن السوشيال ميديا، فالفصل بينها وبين الشخص كأنك بتفصلي بين الشخص الصبح وبين الشخص نفسه بليل وكأنه اتنين، كذلك السوشيال ميديا، اللي بيكلمك دلوقت هو نفسه علي اللي بيكلم الناس في المواصلات وفي الشارع وفي الشغل وفي الجامعة، والفصل بينهم ماهو إلا محاولة لإيجاد ثغرة تفلت منها بعض التصرفات اللي كانت لا يمكن تفلت لو حصلت في الواقع.


أخيرا عاوز أبرئ ذمتي بس لأن تعليقك وتعليقات غيرك تحمل بعض الإتهام بالتحامل، فدفعا للإتهام دا يعني حابب أوضح إني مكتبتش كلامي دا إلا بعد مواقف متعددة ومع أشخاص مختلفين وفي ظروف مختلفة، وبعض المواقف اللي حصلت كمان مع أصدقاء وحكوا عنها ومدايقتهم منها، وإني التمست العذر زي الإنشغال، ومشوفتش، ومخدتش بالي، ونسيت أرد (وإن كان العذر دا سيء بردو بس معلش)، لكن بعد الأعذار دي ما زال في هامش لوم يقع على اللي انتفى عنهم العذر، فضلا عن إني تعمدت كلامي يكون على العموم دون الإشارة بشخص أو موقف عشان ميكونش تشهير أو اساءة.

باقولك اييه انا لو حصل مني الموقف دا فاعذرني وتقبل اسفي ... ووحد الله كده كلنا اخوات

ESRAA wrote: "انا معرقش حقيقي الموقف دا سببه ايه يا علي بس انا اتحطيت فيه وفعلا بيبقي الاشعارات مبتجيش ولا بيبان وممكن لو كذا حد علق ميبانش عموما التمس لاخيك سبعين عذرا احنا هنا كلنا بنتفق علي حب القراءة .. كذا ..."

رديت على نقطة الإشعارات فوق وكمان نقطة الإنشغال

نقطة غير قادر على الرد دي إما إنها تكون بدافع الإنشغال وهنا يكون معذور، أو تكون بدافع نفسي زي إنه في حالة حزن شديد أو غضب شديد أو خلافه، ولها قيد تاني هو إن يكون الرد المطلوب منك طويل ومحتاج جهود، أما لو كان ردك يكفي فيه كلمة واحدة أو كلمتين فمظنش عذر عدم القدرة ساعتها هيبقي عذر منطقي أو مقبول يا اسراء.

أعتقد كدة النقاش هيتحول لجدال
اختلاف الرأي والمعايير وارد بل وطبيعي، وأنا محترمة رأيك وزعلانة إنك اتعرضت لمواقف ضايقتك بالشكل ده

يومك لطيف

Amira wrote: "أعتقد كدة النقاش هيتحول لجدال
اختلاف الرأي والمعايير وارد بل وطبيعي، وأنا محترمة رأيك وزعلانة إنك اتعرضت لمواقف ضايقتك بالشكل ده

يومك لطيف"

ويومك كمان :)

ESRAA wrote: "باقولك اييه انا لو حصل مني الموقف دا فاعذرني وتقبل اسفي ... ووحد الله كده كلنا اخوات"

لا براءة إنتي :D

مش حازود على اللى اتقال فوق من مشكلة الموقع و الاشعارات السخيفة اللى اتعودنا عليها بمرور الزمن , بس بجد اوقات بتحصل ظروف خارجة عن الارادة و بتحصل معايا و فجاة اكتشف تعليق مر شهور على ما اشوفه بالصدفة و انا براجع ريفيو قديم و ببقى فى حيرة ارد اشكره ولا لا خاصة انى لو رضيت بعد شهور حابقى سخيف و اللى قدامى هيبقى فى موقف انت لسه فاكر مثلا , اخطاء سخيفة بتودى الى زعل من اشخاص .
بس على راى اصدقائى الله اعلم بظروف الشخص فى الموقف ده و برضه وجهة نظرك من حقك تحس بضيق من الموقف .

لما بيحصل معايا بفضل إني أرد وأعتذر، ولو لمجرد رد اعتبار اللي قدامي وإن كلامه حدث له صدى.

ولأن الله أعلم بظروف كل شخص التمسنا الأعذار، وحتى في النصيحة قدمناها في إطار عام يسع قائله نفسه فضلا عن مستمعه أو قارئه :)

لا دانا براءة من هنا لاخر العمر انت متعرفنيش يا علي اصحابي ليهم الجنة والله ...
بيبقي كله من غير قصد الحمد لله

😂😂

المسألة قد لا تكون قلة ذوق وأدب ، بالاضافة للاشعارات قد تكون ليس هناك رغبة في الكلام اوشيء ترى أنت أنه يحتاج لرد أما المتلقي فقدلا يراه يحتاج
وكذلك ظروف الاشخاص تختلف فأحيانا يتخذ الشخص قرار التوقف عن النشاط نهائيا على الموقع ولما يأتيه اشعار يقرأه ولا يرد ثم ينساه مستقبلا وهكذا....
والمهم أن نحسن الظن بأنفسنا ونرى الجميع بعين الجمال ونتغاضى عن بعض التصرفات فالله أدرى بمن وراء الشاشات
وشخصيا ان بدر مني أي تصرف لأي شخص على الموقع رآه قلة ذوق أو أدب فأعتذر من هذا المنبر

فقيرة wrote: "المسألة قد لا تكون قلة ذوق وأدب ، بالاضافة للاشعارات قد تكون ليس هناك رغبة في الكلام اوشيء ترى أنت أنه يحتاج لرد أما المتلقي فقدلا يراه يحتاج
وكذلك ظروف الاشخاص تختلف فأحيانا يتخذ الشخص قرار التوقف..."
ناقشت كل اللي عرضتيه في التعليقات السابقة ووضحت قصدي أتمنى ترجعي ليها

Ali wrote: "فقيرة wrote: "المسألة قد لا تكون قلة ذوق وأدب ، بالاضافة للاشعارات قد تكون ليس هناك رغبة في الكلام اوشيء ترى أنت أنه يحتاج لرد أما المتلقي فقدلا يراه يحتاج
وكذلك ظروف الاشخاص تختلف فأحيانا يتخذ الش..."
أرأيت أحيانا يكون سببب عدم الرد هو أنك ناقشت الموضوع أصلا والشخص الذي رد لم يتعب
نفسه حتى في قراءة التعليقات... مع أنني قرأت أغلبها لكن أردت فقط ابداء رأييي
ويبقى دائما الحكم على الآخرين أمر ليس بالسهل

لكني مع ذلك قدرت مرورك وأجبتك ولفتت نظرك إلى ما قلته سابقا، كيف كنتي ستشعري إذا لم أرد؟ أظن بالإهانة قطعا. ومن يقول بعكس ذلك صراحة يخالف العقل والمنطق.

على كل حال كلامي حكمه عام والقاعدة العامة المفروض أنها لا تؤلم شخص بعينه، لأنها تنتقد تصرف معين وليس شخص معين.
وأما الحكم اللي قولته عمن لا ينتفع بما يقرأ ويعلم فهو في القرآن نفسه كما أنه عقلاني ومن يهن نفسه فما له من مكرم!

اما قضية الحكم على الآخرين، فينقسم لحكم عام وهو موجه للتصرف ونتبع فيه الدليل، أو خاص على شخص بعينه وله شروط أولها ألا يكون على الملأ خاصة إذا كان المقصود منه النصح، وهذا أنا لم أفعله ومقولتش يا فلان أنت فيك كذا وكذا، كلامي عام لدرجة أنه يشملني أنا نفسي إذا وقعت في هذا الخطأ.

الموضوع لا يصل الى درجة الاهانة وان لم ترد سألتمس لك العذر كما أنني سأنسى الأمر بعد وقت قصير لو آلمني عدم ردك... والشخصيات تختلف
وردي ليس من منطلق انها آلمتني بل فقط للتوضيح
وأشكرك الاخ علي على رحابة صدرك وربما لم أفهم قصدك بشكل دقيق كما لم أوفق في ايصال فكرتي اليك

وأنا مقولتش إنها آلمتك! ومعرفش ليه حسبتيني ممكن أقصدك بكدا!! كما أن ضربي المثل بفكرة عدم ردي عليكي لم يكن لتوجيه إهانة شخصية ليكي أبدا أنا أربأ بنفسي عن ذلك ولكن ضربت المثل لتوضيح فكرتي بالقياس على كلامنا سوا!
على كل حال أسعدني مرورك والنقاش معا

Ali wrote: "وأنا مقولتش إنها آلمتك! ومعرفش ليه حسبتيني ممكن أقصدك بكدا!! كما أن ضربي المثل بفكرة عدم ردي عليكي لم يكن لتوجيه إهانة شخصية ليكي أبدا أنا أربأ بنفسي عن ذلك ولكن ضربت المثل لتوضيح فكرتي بالقياس على..."

ايضا لم افهم ان الموضوع اهانة ورددت من منطلق المثال لا اكثر

تمام :)