علاء الديب > Quotes > Quote > Eslam liked it

Dina wrote: "علاء الديب دايما بيعبر عن الحاجات اللى مش بعرف اصيغها"

"النبيل",ده لقيه بالنسبةلى,حقيقة راهب مخلص فى محراب الابداع,قدم عشرات من الوجوه الجديدة,والمبدعين الشباب اللى بقى منهم دلوقتى نجوم"علاء الاسوانى وبلال فضل مثلا"ولم يبتغ من وراء ذلك جزاء ولا شكورا,ربنا بس يديله الصحة"عشان هو بالذات"اكتر واحد اتمنى اعرض عليه عملى الاول,ان كان فيه نصيب,وكان فى عمر:)))

هو نموذج مثالى للمثقف اليسارى,مبادئه هى حياته,الظاهر كالباطن,لانافق ولا تملق,وحاز ف النهاية الاحترام والتقدير,وان كان"للاسف المعتاد"قيمة مجهولة للكثيرين,يوم عن يوم الواحد بيتيقن اننا نحيا اكذوبة كبيرة,جمهورية كأن"التعبير ده ومن غير زعل بتاع الاسوانى:)))"..

Dina wrote: "هههههه اهو الاسوانى هو المقابل تماما الديب

مش اى علاء هو"

لاحظى ان فى مقدمة طبعة دار الشروق"هارد كافر"الجديدة ليعقوبيان اول واهم اشادة من علاء الاسوانى كانت فى حق علاء الديب"أستاذى"زى ماهو وصفه,فعلاء الكبير راضى عن علاء الصغير,نعمل ايه باه فى الناس اللى دماغها ناشفة باه:))),اه على فكرة بما انى من المهتمين بمجال القصة القصيرة فى مجموعتين قصصتين متميزتين جدا,واحدة اشاد بيها الاستاذ علاء الديب للكاتب احمد الخميسى,اسمها كنارى,http://books.ibtesama.com/dldwdc14893... اشاد بيها بلال فى المعصرة واسمها"وكان فرعون طيبا"بس دى مش متوافرة اون لاين وطبعة الشروق,بس بعشرين جنيه بس والله مش اكتر من كده:))),ما اعرفش اذا كنتى قريتيهم واللا لا بس لو لا اقترح ان تفعلى,وهاانتى تفعلى,الريس مرسى ببلاغته مأثر على اوى^____^

بمناسبة كنارى,علاء الديب ليه فيه شهادة تهز جبال,ده بيقارنها بارخص ليالى ومااااااااا ادراكى ما ارخص ليالى بالنسبة ليوسف ادريس والعبد لله,http://www.wmasr.com/vb/showthread.ph... بالنسبة للاستاذ عادل فانا اتمنى ان تشكريه بالنيابة عنى لذوقه الراقى فى القراءة والاختيار,"ده برغم انتى بتكلمينى عنه زى ما اكون اعرفه شخصيا يعنى:))",بس كنارى انا حاقراها على طول للتعلم,والبحث فى تفاصيلها الفنية الى جوار متعة القراءة,مقارنتها بارخص ليالى موترانى,امال لو الواحد حاول يكتب حيعمل ايه عشان يسمع بعد ماالناس كتبت كل حاجة:),عموما هم فور شور حيطلعوا كويسين,بس انتى اطلعى من مود النجمتين والتلات نجمات اللى انتى ساكنة فيه تمليك بقالك فترة,وحتدى ات ليست اربع نجوم لاى من العملين:))))

Dina wrote: "يا ريييت نفسى ادى ال5 نجوم بقى"

نتمنى ذلك وان كان عسيرا:)),"دور جوه نفسك اكتر..اكتب اللى نفسك العالم يسمعه مش اللى العالم عايز يسمعه منك...الحياة قصيرة جداا اننا نكتب اكلايشيهات و نقلد غيرنا...خليك مميز ...خلى نفسك كاتبك المفضل"دول جملتين حلوين بصراحة فى ختام ريفيو عاصف,انا مقريتش الرواية بس بروفايل الكاتب فى ويكيبيديا بيقول حاجة واحدة بس"انا نجم كبيرررررررررررررررر,واللى مش عاجبه يبقى دى مشكلته"يعنى حد زى احمد مراد يظهر ويفرقع الكل خلاص بقوا احمد كريستى تانى يوم الصبح,انسانيا اقدرر ابرر ده,ابداعيا ده نو كويستشن افلاس..

Dina wrote: "بيصعب عليا قوى الشباب لما يتحولوا لصناع حبكة و بيع كتب و بس...الشاب اى شاب عنده حاجه يوصلها للدنيا

و بصراحة الكتاب وحش قوووووووووى"

طيب الكتاب وحش ,ياجماعة ياخد جايزة منتدى معرفش ايه,وينطبع خمس طبعات ليه؟؟؟قلت قبل كده واكرر احنا فى حاجة لدراسة موضوعية ومتانية للمزاج العام فى الشارع الثقافى,لان اللى بيقروا درجات فى التلقى والتقييم,وده حيجاوب مش بس على نجاح احمد مراد"انا شايفه موهوب وعنده حاجة:))"واخونا فى الا نسانية عمرو الجندى,لا كمان حيفسر الصخب المحيط بعلاءوالاسوانيفوبيا التى اندلعت من عشر سنين تقريبا,,واعتقد انه ده حيريح ناس كتير اولهم سعادتك^_^

Dina wrote: "اقولك..اقرا فوجا بنفسك واحكم هى هتاخد منك بالظبط نص ساعه و ساعتها هتقدر العصبية اللى انا فيها

المزاج العام ده عايز الحرق اصلا"

هههههههههههه,شوفى انتى دايما فهمانى غلط:)),انا مقصدتش ان تقييمك مبالغ فيه,ومااعتقدش ان كتاب انتى ادتيه نجمة واحدة حيبقى محل خلاف,انا بس كنت ببص للموضوع على العموم.لانها حاجة غريبة نجاح اعمال معينة بغض النظر عن قيمتها,الجمهور عاوز كده,نظرية اتنقلت من السينما لسوق الكتاب,برغم ان احنا اساسا معدلات القراية عندنا مضحكة مقارنة بكوريا الجنوبية الشقيقة مثلا,الا انى مازلت مصر ان ده نتاج تردى عام,مش معقول الكام واحد اللى بيقروا فى مصر حيقدروا يفلتوا منه,وبالنسبة للحرق,البنزين هيترفع عنه الدعم,شوفى باه حتحرقيه ازاى:)))